منذ /11-07-2016, 08:48 PM
|
#1 |
مشرف الابداعات الادبية سابقا
| أنا بيكي كافر..صرخة غضب طيرك مهاجر
والعش عندك لملميه
أنا بيكي كافر
وإيماني فيكي مش لاقيه
ازاي تغشّــي
وأنا اللي مديكي الأمان
هديتي عشّــي
تقتلي باسم الحنان
عاملة انك بتحاميلي
والسهم غادر..
هزّتينــــي
لما شوفتك بتخونينـي
لما هانوا عليكي مرّة
وانتي واقفة بتشغلينـي
هما كانوا اخواتي يامه
وأنا دوري حاضر..
ميهمنيش ألاقيكي واقفة
شادر الجوع فيكي نازل
فاكرة يومك وانتي شايفة
دم أهلي عليكي سايل
شيلي حملك فوق كتافك
واصرخي بعلو الحناجر..
توهتي دلوقتي ف قرارك!
ما هو ده اختيارك
جاية ليه بتحمليني
ذنبك انتي وحرّ نارك!
دوقي من نارك سيبيني..
بعد ظلمك بس أعافر..
لسه فاكر..
لمّا دوستي بقسوة فوقـي
لما قطّعتـي ف عروقـي
وأما شوفتي الحسرة فيا
زدتي ضحكك ف المقابر..
قسوة ليا بقسوة ليكي
أنا صوتي راح بنده عليكي
كنت خايف م النهاية
اللي دلوقتي ف ايديكي
وانتي سامعة لغيري ,فاكرة
اني خاين للأوامر..
لسه شايفاني بخونك؟
شايفة مين عارف يصونك
شوفتي مين صان الحقيقة
ولا قافلين لك عيونك؟
لو انتي لسه بتظلميني..
أنا بيكي كافر..
التعديل الأخير تم بواسطة د/ عبد الله ; 11-07-2016 الساعة 09:11 PM |
| |