الموضوع
:
بابا ضغطه منخفض
عرض مشاركة واحدة
منذ /
11-15-2016, 11:58 AM
#
1
سهـــر
مشرفة سابقة
رقم العضوية :
16870
تاريخ التسجيل :
Apr 2009
العمر :
29
الجنس : ~
بنوتة
المكان :
TanTa
المشاركات :
10,132
الحكمة المفضلة :
يمارسون الكذب حتى لا يكسروا لنا خاطر..وهل اصبح الكذب جبرا للخواطر
النقاط :
درجة التقييم :
11626461
قوة التقييم :
5814
أوسمة العضو
بابا ضغطه منخفض
من يومين كنت مع بابا في مركز للأشعات وكدا
واحنا طالعين لقينا ست كبيره قاعده على السلم وبتعيط
في الاول افتكرنا انها اتسرقت ولا حاجه
بابا سألها مالك يا حاجه ؟
قالتله الدكتور طالب مني اشعه بـ 400 جنيه ومش معايا الفلوس
فبابا طبطب عليها وقالها تعالي معانا يلا عشان تعمليها
الست رفضت وقالتله لأ انت هتعملهالي وييجي واحد ابن حلال تاني يجبلي الدواء
انا الأحسن يابني اروح افتح تربتي وأجهزها
ومشيت وسابتنا
بابا عمل الأشعه واحنا مروحين
جدو اتصل عليه وطلب منه يجبله دواء مش لاقيه في البلد عنده
الدواء ده جرعه من 5 شرايط ولسا في باقي الأدويه
المهم بابا سأل عليها ولقاه الشريط بـ 106 جنيه
يعني الخمس شرايط بـ 530 جنيه
ولسا باقي الأدويه
المهم خدنا الصدمه ومشينا
وصلنا البيت قابلنا عمو ممدوح جارنا
قام قايل لبابا امبارح اشتريت اسلاك كهربه البكره بـ 400 جنيه
الكهربائي احتاج تاني رحت اجيب النهارده لقيت البكره بـ 565 جنيه
يعني في 24 ساعه البكرة زادت 165 جنيه
ودي كانت الصدمه التالته
وزي مابيقولوا التالته تابته
وضربتين على الرأس توجع
بابا اللي طول عمره ضغطه عالي
فجأه ضغطه انخفض جامد واغمى عليه و.... الخ
وبكدا الحمدلله مصر باقت آآآآآآد الدنيا
ومش هنبقا زي سوريا والعراق
كلها شويه والدنيا كلها تقول مش احسن ما نكون زي مصر
التعديل الأخير تم بواسطة سهـــر ; 11-15-2016 الساعة
12:06 PM
سهـــر
مشاهدة ملفه الشخصي
إرسال رسالة خاصة إلى سهـــر
البحث عن كل مشاركات سهـــر