هتخاف من ايه.... الناس الل عايشين حياتهم ع طول خايفين
خايفين من بكرا ليه ماهو الل عاوزو ربنا هيكون
خايفين من الموت ماهى الاعمار بايد ربنا
وقت ميجى المعاد هنروح
خايفة متجوزش مانتى ممكن تجوزى وتكرهى حياتك
وتطلقى يبقا مستعجلة ليه
خايفة عشان مخلفتيش وهتبقى لوحدك
مانتى ممكن تخلفى عيال ميكونوش حنينين عليكى
ويسيبوكى بردو لوحدك ولا يدخلوكى دار مسنين
خايف عشان معندكش فلوس ماهو ياما ناس عملت فلوس
وراحت ولا صرفوها ع العلاج
فكر وشوف ايه ممكن تخاف منو ولا يستاهل تخاف عليه
هتلاقى مفيش حاجة تستاهل غير انك تخاف من ربنا بس
عشان لو خوفت منو هتمشى صح
وتصحى ضميرك متعملش حاجة تئذي بيها الناس ونفسك
يبقا موش هتخاف تانى من اى حاجة غير. ربنا....
|