[د/ عبد الله]

زعلانة منّـي؟
اه يا قلبي منك
بتزعّلينـي
وأنا اللـي أصالحك
وتقولـي سبنـي
مش عايزة قربك
غلطانة ليّـا
وأنا برضو أسامحك

وزعلت لما زعلتي عشان
زعلك بيوجعني
وسكت لما جرحتي عشان
قلبك ما يسمعني
خايف عليكي مني لأجرحك
وأقول كلام برضو يزعلك
وانتي متهونيش...ده انتي متهونيش
لأنك حتة منّي

كان نفسي بس تردي سلام
من قلب مشتاقلك
واوعاكي يبقى مابينا خصام
لو حتى زعّلتك
دول فاتو بس يدوب يومين
وف قلبي من زعلك أنين
بشتاق وأحنلك....ونفسي أكلمك
لكن غصب عنّي..
زعلتي منّي؟