بحاول افهم بحاول افهم مش قادر افهم
بحاول انسى بلاقيني بندم
بين السطور بييجي الشعور
وقدامهم بيغيب ملوش حضور
زي طير وطاير بجناح مكسور
ومين يحس يا قلبي ومين يفهم
بقسم الفرحة بينهم وبيني
ويغيبوا لو شافوا الدمعة ف عيني
يا راحة البال فينك وفيني
حتى النوم جافاني لما بقيت بحلم
بحاول افهم ايه اللي حاصل
حبل الود انقطع وحبل الكره واصل
قول للقلوب القاسية تطلع فاصل
خلوا مكان لقلوب تانية تحب وترحم
دي الحياة ما بينهم الموت منها أرحم
تفهم ولا ما تفهم إيه هيفيد
حقيقة مرة قدامك وخيالك بعيد
متحاولش تفهم عشان تفهم
خليك ف حالك أحلالك تعيش وحيد
|