[انجي_1]

طريقة "Capuccino -الكابتشينو" في البيت. ناس كتير بتحب تعمله في البيت بدل مايشتروه من بره!..تعالو نشوف إزاي بخطوات سريعة وسهلة جداً!
كل اللي محتاجينه.. كباية قهوة سريعة التحضير.. وكباية سكر عادي او بني.. كباية لبن بودرة.. نص معلقة صغيرة قرفة.. (ممكن نحط نص معلقة صغيرة جوزة الطيب لو عايزين)
نخلط كل المكونات دي ونشيل الخليط في برطمان زجاج نضيف.
وساعة التحضير نحط معلقة من الخليط ده في فنجان وعليه ميّه سخنة مش مغلية وخلاااص.
فيه ناس بتحب تحط عالخليط ده كباية ميّه ونقلبه لحد مايبقى زي العجينة ونشيله في برطمان في الفريزر. وناخد منه معلقة ساعة تحضيرالكابتشينو.. اللي تحبوه!
جربو الطريقتين وقولولنا اي طريقة أحسن!!
.

..
.