 الرضا كنز السعادة
ثم ان الرضا فعلا من أعظم نعم ربنا..
من غيره هنبقا زي المجانين بنسعي من غير نهاية زي المربوطين في ساقية ملهاش اول من آخر.
محتاجين نرضا ونفهم امتي نبطل نحاول لانه خلاص مش نافع...وامتي نكون محتاجين نعافر حبة كمان ..امتي نمشي و نسيب الطريق ده بقلب جامد واحنا راضيين انه مش مناسب لينا..
ولما نحس انه ايوة هو ده بالظبط اللي كنا بندور عليا وبنسعاله فنرضا بغض النظر عن اي حاجة حوالينا او آراء الناس المحيطين بينا.
ولما يكون ده الحلم (ايا كان ايه بقا ) اللي هيفرق معانا ومحتاجينه يتحقق يبقا نحاول تاني لحد ما نرضا ونطمن.
ده لا يتعارض مع الطموح والسعي طبعا..
بس الفكرة اننا من غير الرضا هنفضل نجري سعيا ورا الافضل من غير ما يكون في حاجة بترضينا اصل دايما اكيد في حاجة احسن.. ا
احيانا بيبقا الواحد مش محتاج الافضل او حاجة..لان الافضل شيء نسبي...احيانا بنبقا كل اللي محتاجينه هو الأنسب لينا احنا و بس واننا نرضه بيه...
معايير الرضا في زمن دة بقا فيها خلل..معايير الرضا عندنا محتاجة تتوزن صح بما يناسبنا ويسعدنا وليس بما هو شائع ومتفق عليه
#ربنا يرزقكم الرضا اللي بيه يتصلح الحال وتتطمن القلوب.
|