 احنا بتوع ربنا
مبقاش لينا كبير
في وقت التوهة نرجعله
مبقاش لينا حبيب
عشان حكاياتنا تشفعله
مبقاش فاضل حد
في وقت الجد نسمعله
مين اللي هيلمنا
علي كلمة واحدة سواء
سبنا طريق ربنا
ماشيين بزيف ورياء
وكل واحد فاهم انه
صح دايما
واللي بيوافق هواه
يحبه طبعا
واحنا مش حاسين بذنب
ضيعنا معني اي حب
وموتنا فعلا
الود مبقاش
ولا بنشوفه زي زمان
حتي الاخلاص خلاص
وكله علينا هان
الدين بقي زي تراث
علي الرف ومركون
مش محتاجينه خلاص
عشان احنا في المضمون
الجنة هندخلها بنية
مش محتاجة مجهود
مش مجموع ولا كلية
والتشكيك مرفوض
ربك رب قلوب
واحنا بس يادوب
بنظلم نفسنا
والرك عن النيات
مش كل واحد مات
هيبقي بظلمنا
باختصار شديد وواضح
احنا بتوع ربنا
فكرة اني كل ماتوحشني الكتابة واقول هاكتب
الاقي قدامي سوريا مصر عراق فلسطين ليبيا يمن
الاقيني بكتب كده ومعرفش اخرج من الحالة دي
ده حاجة فعلا بتوجع اوي
الواقع اننا اموات
بس عايشين
مات التوقيع
|