بيقولوا ساعات بيقولوا ساعات إن اللي فات
كان أحلى من النهارده
لو كان العمر حبة ماضي وذكريات
كان زمانه العمر عدى
ليه رافضين نكرره فوق صفحات
مشتاقة لحضن المودة
بنموت امنياتنا ونبكي عاللي مات
ما اضعفنا وقت الشدة
قد ما قالوا ما نالوا غير حسرة واهات
غرقوا ف ليالي السهر والوحدة
خلي أيامك كل اهتمامك والذكري ساعات ساعات
ده نصيبك ولازم خلاص ترضى
كان عندهم حق لما قالوا إن زمان أحلى
حاولوا يهربوا من واقع خد احلامهم وما خلا
بس مين يسمعهم ومين يحس بوجعهم
وبرده مبقاش ينفعهم ذكرى فانية ف قلب رحلة
نفسي تتحقق احلامهم ويتغير طعم ايامهم
بس الجرح قدامهم والفرح راح وعنهم اتخلى
عيشوا زي العايشين دي كلها ايام وسنين
والدنيا دامت لمين ما هي ف الاخر والله زايلة
اوعى اليأس يغربكم ومن الوهم يقربكم
الرضى لو هيتعبكم بس هيخلي نظرتكم للحياة تحلا
|