[morshooo]

بسم الله الرحمن الرحيم

مزاج الخير

الحكايه ببساطه يا جماعه ان الاخ الكريم
( هيثم ) قرر انه يعمل كورسات لاعضاء المنتدى
بخصوص المنتدى وانه عايز يخلى المنتدى يرجع لسابق عهده
فبعت الرساله دى لاعضاء المنتدى وقالهم الاتى :




( ياجماعه انا صرفت دم قلبى على المنتدى دا وانا مش حمل خسائر اقسم بالله
كفايه الى انا فيه فاتمنى من الجميع ان يحضر هذة الكورسات حتى نعيد للمنتدى
رونقه ولمعانه مكان الحضور مركز شباب المنصورة امام محل الشبراوى والله الموفق . )
الامضاء /
هيثم صاحب الموقع .




المهم بعد الرساله دى الاعضاء كلها قالت لا لازم نقف معاه
مهما كان دا المنتدى الى بنحبه وكله استعد للسفر للمنصورة
حتى ( هيثم ) قال كويس اهو اشوف بنات المنتدى ويمكن ربنا يكرم
وتكون فاتحه خير والاقى بنت الحلال الله اكبر




ودلوقتى وصل اول عضو لمقر الاجتماع او الكورس
فتعالو نشوف حصل ايه .

بقولك ايه يا كابتن هو الاجتماع هنا

اجتماع ايه يا كابتن

انا جاتلى رساله أدارية انا من بنات مصر

هو اه هنا الاجتماع بس انت مين يعنى

لا اعرف انت مين الاول

ياعم خلص انت مين الله

والله ما هقول الا لما اعرف انت هيثم صح

اه هيثم وانت

مش هقولك

انت رخم ياض ليه كده قول انت مين

مش هقولك

ابو شكلك طيب امشى مفيش اجتماعات ليك يله من هنا

ماتبقاش عصبى كده ياعم عموما هوضحلك انا مين بس لو جدع اعرف

ياعم مش عايز اعرف يله من هنا امشى

طيب ماتتعصبش الله بس قولى ايه رئيك فى الطقم الى جيت بيه دا

حد يلبس بنطلون احمر يابنى يله امشى والنبى مش ناقصه

على فكرة وانا جاى كله معجب بالبنطلون دا جاتك نيله ماتعرفش فى الاستايل

طيب كويس انك خد بالك ان كله معجب بالبنطلون الاحمر يله يا احمر من هنا

انا هدخل يعنى هدخل ماجيش المسافه دى كلها وتقولى امشى

لا هتمشى يله من هنا

اقسم بالله ماهمشى انت مش هتتحكم فينا ايه ياعم احنا كافرة

يله ياض يا اهبل من هنا انت جاى وبتهزر هى ناقصه

انت ماتعرفش انا مين يا ( حيثم )

مين ياعم المرعب مين ياعم الامور مين ياعم المهم

انا ( نور ) يا حيثم يعنى النقاش

جاتك نيله يله من هنا ياعم بلا نور بلا بتنجان اسود وانا
عامل الكورسات عشان يجى الى زيك يله ياعم من هنا

مش همشى من هنا مش هسيبك تقعد مع بنات مصر لوحدك يا حيثم
دا انا مصدقت انا لو هروح فيها اقسم بالله ارمى نفسى من هنا
وتحيا مصر تحيا مصر تحيا مصر

يله ياض من هنا هى ناقصه يله ياعم

المهم من هنا لهنا ( نور ) بالفعل مشى
وحيثم رفض دخوله وعلى فكره هو ابن حلال ويستاهل .




ودلوقتى فى عضوة اهى وصلت
تعالو نشوف هى مين وهيحصل ايه .

مساء الخير

هيييييح مساء الجمال والحلاوة لطحينيه

لو سمحت ( كورسات بنات مصر ) فين

الله على بنات مصر وكورساتها حضرتك هنا الاجتماع بس عايز بياناتك

تمام مفيش مشكله عبارة عن ايه البيانات دى وليه ممكن اعرف

اكيد ممكن تعرفى ولو مش ممكن هخليه ممكن صدقينى

انت بتهزر هتقول والا امشى الله

لو مش هقول هقول والله وماتمشيش عموما دا اجراء روتينى بس عايز اعرف
اسمك ايه / كام سنه / مكان الاقامه

انا ( حياة )

ماشاء الله انا قولت شكلك فيه حياة بصراحه

18 سنه

مش مهم كويس

هو ايه الى كويس

لا كملى حضرتك

من الاسكندرية

جميل والله حاجه تفرح مش مهم السن والا مهم المسابفه
المهم الحلاوة والطعامه

انت يابنى فى ايه انت مين ياض انت ومالك مسهوك كده ليه
انا مطوله بالى عليك

انا اخوكى بلاش اخوكى انا صديقك
( حيثم )

ومالك يا هيثم بتعمل كده ليه فى حاجه

لا والله بس انا نفسى اعيش انسان قلبه على كفه
كل الى بردانيين فى كفوفه يتدفوا

اه بتضحك تضحك خلق الله
وبتفرح تفرح كله معاك صح يا هيثم

ايه دا انتى عرفتى منين يا حياه

طيب ممكن ادخل المدرج والا امشى يا حمزة نمرة

لا اتفضلى طبعا فى اول ديسك

بقولك ايه انا هقعد فى المكان الى يريحنى اوعى من وشى




ودلوقتى ( هيثم ) قلبه انشرح ومستنى ياترى مين تانى هيجى
ودلوقتى وصلت عضوة جديدة ياترى هى مين
تعالو نشوف

صباح الخير لو سمحت كورسات بنات مصر فين

اهلا بحضرتك هنا الكورسات بس مين حضرتك

طيب معلش بس اشوف الولاد واجى

ولاد ايه

ولادى يعنى اجى بأيدى فاضيه

ولادك وفاضيه واحنا جايين دريم بارك حضرتك

حبايب مامى سلمو على عمو الى معرفش هو مين

اهلا حبايبى انا عمو هيثم خلاص يا حبيبتى بتضربى ليه يارخمه انتى .
قولت خلاص

خلاص يا بنات دا طلع صاحب الكورسات والنبى لتسلمو عليه تانى

ماخلاص ياست انتى ايه انتى مبتصدقى انتى مين اصلا

انا دمعه حائره يا هيثم والنبى لتسلمو على عمو تانى

يخربيت عمو وبيت الكورسات وبيت اليوم الاسود الى فتحت فيه المنتدى

ليه كده يا هيثم والنبى هتلاقى بنات عسلات قمرات شرباتات زى كده

ياستى والا عايز اشوف عموما . الكورسات ممنوع دخول الاطفال

نعم نعم نعم نعم لا ماتخلنيش اوريك الوش التانى الى مش بيظهر
فى المنتدى ادخولو يابنات ال ممنوع ال

انتى سمعتى قولت ايه ممنوع يا دمعه بجد

بقولك ايه ياض انت .
انت اصلا والا تعرف حاجه عن المنتدى والا نعرفك اصلا فمش عايزة وجع دماغ
والله اخليهم يسلمو عليك تانى .

لا خلاص ادخلى انتى وعيالك وتقعدى ورا خالص

اقد ورا اقعد قدام مالكش فيه وماتخلنيش زى ماقولتلق
اطلع الوش التانى واوريكم ( منه ) النسخه الشعبيه

طيب يا منه خلاص اتفضلى اقعدى فى اى مكان

ايوة كده اصحاب مواقع مايجوش غير بالعين الحمرا صحيح




وفعلا دخلت منه وعيالها واحتلو المدرج كمان
ياترى مين تانى هيجى وياترى هيثم هيعمل ايه
دا هنعرفه فى ( الحلقه الثانيه )