[Islam Hagras]

السلام عليكم ورحمة الله وبركاته

حابب أنوه على حاجة كتير مننا بيقع فيها للأسف .!

في البداية .. أكيد كلنا عارفين ان في حسنات جارية .. لكن اللي جاي أتكلم عنه ان في بردوا سيئات جارية !
قال الله تعالى : (وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ)
أيوه متفرحش انك بتساعد صاحبك وتبعتله أغنية أو فيلم أو أي حاجة محرمة
لإنه كل لما يتفرج عليها هتشيل ذنب زيه بالظبط .. زي اللي بيشتري لحد سجاير !

للأسف ودا منتشر جداً في المنتديات وفي النت عموماً
إن أغلب البنات وولاد كمان حاطين البروفايل بكتشر صورة بنت
اما مغنية أو ممثلة أو صورة عادية وللأسف بتبقى بشعرها أو متبرجة أو .... إلخ
صدقوني كل لما حد بيشوف الصور دي في ميزان سيئاتكوا
صور البنات الحلال هي صورة البنت بالحجاب الشرعي فقط
بدون ميكياج بدون شعر بدون جزي من الذراع باين .... إلخ

ركزوا في كل صورة بتنزلوها وبتنشروها وبتبعتوها
شوفوا دي هتبقى حسنات جارية ليكوا ولا والعياذ بالله سيئات ليكوا
ابعت لصحابك مقطع قرآن أو درس لشيخ جليل مش أغنية أو فيلم

فكر ... هل حسناتك كتير أوي علشان تبقى أكتر من سيئاتك ؟
يا ويلتاه من غلبت أحاده عشراته !!