سيرة الحب
سيرة الحب اللي تفرح أي قلب
كل ما افتحها قدامك تصديني
كلمة واحشاني بقت جريمة وذنب
طب ذنبي إيه لو مش بتحبيني
هبعد عنك قدرني ع النسيان يارب
وصبرني على لهفتي وحنيني
بعد ما حبيتك من قلبي بجد
تقوليلي انا مش حبيبة حد
رجعت احبك بيني وبيني
بس بجد نزلتي من عيني
لما قلتي إني زيي زي أي حد
كنت شايفك بكل الدنيا
كنتي عندي حاجة تانية
قبل ما يصدمني كلامك والرد
كل ما احاول ابعد الشوق يرجعني
كل ما اقول هنسى غبائي يمنعني
أيوة بسيط وعلى قد حالي
بس كرامتي تمنها غالي
أدوس على حبي لو حسيت بكلمة توجعني
سيرة الحب قدامك مش هفتحها
بس من كتاباتي مش همسحها
لو انتي كرهتيها في ناس غيرك لما اقولها بتسمعني
اه حبيتك بس حب يجرح كرامتي ما يلزمنيش ولا ينفعني
شــــــــــــــــــــــــــــــــــــــــ . حـــــــــــــــــــــــــــــــــــــــــــــ
|