[*فجر الاسلام*]

سيبوا الالم جوايا مدفون
ماطلعهوش عشان مجنون
هيثور عليكم ويوريكم
وهينسي انه كان حنون

سيبوا الجرح ده ف حالوا
وماتسألوش ده بس مالوا
اسالوا نفسكوا الاول
بدل ماتسمعوا اللي قالوا

ضموا اديكوا وعدوا الايام
مش عاوزه منكم تاني سلام
انسوا وجودي والحياه
ماتسألوش ع الالالم

ضموا جراحكم بدل مني
مش عاوزه عطف حد عني
الجرح مابيوجعش غيري
مش هتفرق مين سألني

لملموا كل الاوراق
عشان ده قرب الفراق
ماتدمعوش ابدا عليا
ولا تحنوا بالاشواق

يوم ما امشي ده مش قرار
ده جسد ع الدنيا ثار
تعب بس من قساوتها
فربنا ليه اختار

افرحوا انه ارتاح
من الالم من جراح
افتكروا انه كان ليكم
بس خلاص هو راح

اكتبوا كل المعاني
ع قبره كان يعاني
واتمنوا انه يرجع
ومش هيرجع برضو تاني

فجر