[توحد ارواح]

السلام عليكم ورحمة الله

كنت عاوزه اتكلم وافضفض معاكم فعلا فى موضوع جميل
واتأثرت بيه جدا وبالصدفه البحته
اختى الصغيره فى ابتدائى وقصدتنى اذاكر معاها درس فى الدين
الدرس كان عن التسامح وبعد قرآتى للدرس
لقيت جوايا فعلا حاجات اتغيرت
فعلا التسامح صفه عظيمه ومن صفات الاقوياء
كون اننا نقدر نعفو ونسامح مهما حصل يبقى شئ جميل
ورسولنا الحبيب قدوتنا عندما دخل المسجد الحرام صبيحة يوم فتح مكه
ووجد رجالات قريش ينتظرون حكمه عليه الصلاة والسلام
فقال يا معشر قريش ما تظنون أنى فاعل بكم
قالوا اخ كريم وابن اخ كريم
قال اذهبوا فأنتم الطلقاء وعفا عنهم
رغم ما ارتكبوا من الجرائم ضده عليه السلام
وضد اصحابه بما لا يقدر ولا يحصى
وبالفعل النفوس الكبيره هى التى لها القدرة على التسامح
سامحوا لان الحياه تتطلب منا ان نعفو ونسامح
وبمناسبة الايام الكريمه دى رجب وبعده شعبان
ثم رمضان افضل الشهور عند الله
لازم نسامح علشان قلبنا مش يبقى فيه اى حاجة لحد
فصافح عمن أخطأ فى حقك
ما أجمل روح التسامح