بتمنى... كل م اشوف الجوع
على وش طفل صومالى
ابكى بصوت موجوع
و كأنى شايف عيالى
ملعون ابوك يا طمع
قسيت قلوب الناس
و كأن كل البشر
معدومة الاحساس
و صوتى مهما عِلى
حيروح لفين و ل كام
و كأنى طالع جبل
متكتف الاقدام
نفسي حكيم البلد
يصحح الافهام
ابنى و ابنك اللى
فى الصومال مدبوح
بتمنى بسمة امل
تمحى خراب الروح
بتمنى كل البشر
تركب سفينة نوح
بتمنى اعيش فى وطن
ميكونشى فيه مجروح
و لا يبقى طفل صومالى
فى وشه بصة جوع
|