[Lamees]

والله الاغنية بتاعت رامي جمال " اوعديني " بتستفزني
عشان كده حبيب ارد عليه واوعده زي ما طلب
تعالوا نشوف ازاي هوعده واطمنه



اوعديني لو زعلتي مرة مني تعرفيني

طيب لو زعلانة علطول اعرفك برضو ولا انت ذكي وهتعرف لوحدك

لو جرحتك غصب عني تحسسيني

طب بردوا لو مش غصب عنك وبقصد احسسك بردوا
ليه البعيد معندوش احساس

متشيليش جواكي حاجة تحكي ليا كل حاجة
لما هفهم هبقى أحسن، صدقيني

طب انت مش بتفهم اعملك ايه اقطع نفسي اوووف


اوعديني لو نسيت يا حبيبتي نفسي تفوقيني

طرااااخ طرااااخ طرااااخ
قلمين بس عشان يفوءوك

لو خدتني الدنيا مني ترجعيني

ارجعك فين يا بابا يلا مع السلامة

لو في لحظة زاد غروري اشتكي لومي وثوري
بس اوعي في يوم تروحي وتسبيني

اروح فين وانت رابطني بسلسة جمبك

انتي قلبي و انتي روحي و انتي عيني

ياراجل قول كلام غير كده
ممكن اكون زي الكبدة والكرشة والفشة بالنسبة لك
اكلة سمين يعني

حد عايز اعيش معاه لآخر سنيني

يالهوي طب وانت اخرك كام سنة

انتي بالنسبالي مش حب ف حياتي
انتي كل حياتي فعلاً افهميني

فاهماك يا حبيبي اوي حد قالك اني غبية

اوعديني لو في يوم الخوف ملكني تطمنيني

هو في حاجة تقدر تخوفك ده انت تخوف بلد

لو ذكائي ف مرّة خانني تفهميني

هو فين الذكاء ده انا مش شايف ايتها ذكاء خالص " بصوت اسماعيل ياسين "

لما أقسى في يوم تحني، و أما أغلط غصب عني
قبل ما أغلط غلطة تانية تلحقيني

هو انا بلحق


اوعديني لو يبيعني الكون بحالة تشتريني

هشتري واحد ميجا بالتوت والزبادي ايوه اللي طعمه يأرف ده
ال اشتريك ال

تبقي أقرب منّي ليّا، تكمليني

ما كفاية عليك قرينك اللي شبهك اكيد

تبقي أختي تبقي أمي

ده اهبل ده ولا ايه امك واختك ايه يا بابا

تجري فيا جوة دمي

مش لو عندك دم اصلاً

لما اكون تعبان تضمي وتداويني

حاضر محضرة حقنة انتي بيوتك هتروقك

ايه رائيك في الوعود دي كلها
عشان تحرم تطلب وعود تاني