[Mind language]

اقتباس المشاركة الأصلية كتبت بواسطة حـيـــــآة ❤ حبيبتي ممكن تغيري لون الخط ياروح قلبي ماشايفه

حاولت بس مفيش خيار التعديل على الموضوع
طلبت من لمار لقيت صندوق التوبيك فاضى
بس عندنا حل هجبلك الموضوع كوبى هنا
ولو عايزة تشوفى لينكات المواضيع ارجعى
لتوبيك الاصلى نورتى ياقمر اتمنى الافادة

السلام عليكم ورحمة الله وبركاته

حبيت اشاركم تجربتى فى الفوتوشوب يمكن
حد يستفاد منها اول حاجة عايزة الكل يعرفها
ازاى بدأت اتعلم فوتو وكل حاجة هتلاقوها
فى التوبيك ده لو كانت الصور ظاهره فى التوبيك
كان وضحت الفكره

My story wıth photoshop

والهدف منه انى اللى بيحط حاجة فى دماغة بيوصلها
مهما كانت الصعوبات المهم يشتغل على نفسة انا موقفتش لحد البدايات
انا كملت وشاركت فى كورسات فى الجامعة عندى وحضرت يوتيوب لناس
عرب واجانب واقلد واضيف واحط ولخبط لحد ما عرفت اوصل لبداية الطريق
دخلت دروس كتير هنا لحد ما عرفت اعمل تصاميم

Duplex
Duplex 2
Design
Just my design
Apple design
Tasarım
Son tasarımlar
كراكيب داخلية (تابع لمسابقة حكاية تصميم )

وبدات اعمل بعض دروس بالحاجات اللى اخدتها فى الجامعة ع قد ما عرفت

درس عمل كرة بلياردو
درس تفجير الصورة


بقى عندى كمية تصاميم عملت بيهم متحف

Special a museum

دخلت مسابقات واخدت مركز اول ومركز تانى ومركز تالت

sevgili annem تصميمى تابع لمسابقة أمى
Mutlu Yıllar تابع لمسابقة العام الجديد
Photoshop logoتابع لمسابقة أفضل شعار فوتوشوب
some designs تابع لمسابقة Professional designer

وصلت لمستوى كويس بس انا مش راضية عنه وبحاول قدر
المستطاع ازود علية كلما امكن انا مش داخله اعمل موضوع
لنفسى انا عايزة اقول شوية نقاط لاى حد بيتعلم فوتو زى ومبتدئ

*متوقفش نفسك عند انك عرفت تركب شوية صور فوق بعضها
ولا عند انك عرفت كل اداة فى الفوتو بتعمل اية وتقص وتلزق لا

*لازم يكون عندك ارادة فى انك كل يوم تتعلم درس جديد فى الفوتو

*لازم يكون عندك حس وتناسق فى الالوان والنسب

*احضر يوتيوب كتير اغلط انسى خطوات جرب كل الفلاتر جرب كل
حاجة موجودة فى الفوتو متخفش مش بيغض والله

*كل تصميم تشوفه قلده واعرف معمول ازاى مره فى مره درس بعد
درس هتلاقى نفسك مش محتاج تحضر حاجة انت نفسك بقى
ليك اسلوبك الخاص

*كل شخص بيتعلم فوتو لية تفكيره الخاص بيه وطبعته الخاصة فى
كل تصميم

*فكر الاول فى الفكره فى دماغك بناءا عليها ابدأ شوف انت محتاج
اية من صور وأدوات لحد ما توصل لمستوى انت راضى عنه

*لازم مراعات التنسيق والحجم بتاع المودل والمقاس بتاع التصميم
لازم يكون فية نوع من التمييز فى الحاجات دى والدقة

*مفهوم الفوتو محدش يوقفه عند القص والزق الفوتو مجاله اكبرعن
كدا بكتير ممكن بسببه يكونلك مصدر رزق لو عرفت تتمكن فية
وتوصل لمستوى عالى النت مليااان يوتيوب لاحتراف الفوتو

*ممكن حد مبيفهمش فوتو واول ما يشوف تصميمك هيطلع فية عيوب
كتير لانه محسش بتناسق فى التصميم لازم يكون تصميمك معبر عن
فكره عشان يكون جذاب ولية هدف وفى نفس الوقت ملفت للانتباه

*مش معنى انى بعرف فوتو ابقى محترف الاحتراف بيجى من الممارسة
المستمرة للشيئ اشتغل على نفسك واتعب هتلاقى تحسن مستمر

*واخيرا لازم تقبل النقد عشان تحسن من مستواك لازم تتقبل ده بروح
رياضية جدا عشان النقد هيفيدك فى انك تحسن من مستواك طول الوقت

دا كان كل اللى اقدر اعرفه عن الفوتو اللى حابب يضيف نقط تانى فى
مجال الفوتو يتفضل اتمنى اكون افدت حد بحاجة واى استفسار
هتلاقوا رد باذن الله