[*فجر الاسلام*]

السلام عليكم

ضويلى لمبه اشوف ف الضلمه عشان الخوف
طمنينى انك جمبى طمنينى اعملى معروف

ماتسبنيش تايه فيكى وقلبى موجوع من اللى بيكى
مش شايفك من الغدر مش مطمن انا عليكى

قوليلى انا انسان طيب فين هو الحنان
مش عاوز منك حاجه بس حسسينى بالامان

ان بكره اه هعيش وما اموتش على ايد غادرمايساوويش
ان بكره هقدر احميكى واكل فيكى لقمة عيش

امتا هينتهى الموت ومايخفيش تانى الف صوت
امتا هطمن عليكى قبل ما العمر يفوت

برضو واقف بكل ما اليا حتى لو الدور عليا
مش هسيب حدودك فاضيه مش هسيبك للاذيه

الله يرحم الجميع
فجر
8/7/2017