عرض مشاركة واحدة
قديم منذ /07-31-2017, 03:42 PM   #1

Eng Esraa

مراقبه سابقة

 

 رقم العضوية : 87832
 تاريخ التسجيل : Aug 2012
 الجنس : ~ بنوتة
 المكان : egypt ...mansoura
 المشاركات : 11,888
 الحكمة المفضلة : Rbna by3wd ...♥♡♥
 النقاط : Eng Esraa has a reputation beyond reputeEng Esraa has a reputation beyond reputeEng Esraa has a reputation beyond reputeEng Esraa has a reputation beyond reputeEng Esraa has a reputation beyond reputeEng Esraa has a reputation beyond reputeEng Esraa has a reputation beyond reputeEng Esraa has a reputation beyond reputeEng Esraa has a reputation beyond reputeEng Esraa has a reputation beyond reputeEng Esraa has a reputation beyond repute
 درجة التقييم : 306565
 قوة التقييم : 154

Eng Esraa غير متواجد حالياً

 

 

 

 

 

أوسمة العضو

Ask me النشاط الاشرافى vip تكريم المشرف الملتزم تكريم المشرف المميز وسام التفاعل والنشاط للمشرف vip اكتوبر 2016 فعاليات صيف 2016 وسام اشهر موضوع بقسم يوميات الاعضاء اكتوبر 2015 تكريم يوميات أفضل متابع سهراية رمضانية نجم اليوميات 

Question احـكـي عـنـكـ (5) مع Muhammad_Adel



ازيكوا بقا
هنزل انهاردة توبيك جديد من احكي عنكـ

و هيكون معانا Muhammad_Adel
هو هنا من فترة طويلة بس تقريبا مش كتير يعرفوا
انا شخصيا اعرفه من اول ما بقيت هنا تقريبا من قبل
ما يكون النيم كده اصلا
خلونا نشوف اجاباته بقا



1 ــ لو اتطلب منك تعرف نفسك قدام حد
اول مرة يشوفك هتقول ايه ؟؟

بما إنه أول تعارف ما بينا أكيد هقول المعلومات الأساسيه
اسمي محمد عادل
بدرس في جامعة الأزهر
كلية هندسة_قسم مدني
آخر سنه إن شاء الله ( بكالوريوس )
23 سنه
من سوهاج



2 ــ اية اكتر الاماكن تحب التواجد فيها ؟
" هدوء ــ تجمع مع ناس كتير " ؟


اللي بحدد ده الحاله المزاجيه
مما يعني بتواجد في الاتنين *_*



3 ــ لو حد قريب منك جدا طلب رايك ف شئ ما
هترد بضميرك ولا بمجاملات ؟؟ و ليه اي ان كان الاختيار ؟

سواء قريب أو لأ هرد بضمير !!!
السبب : طالما طلب رأيي إذاً رأيي فارق معاه وبُناءاً عليه
ممكن رأيي في الحاله دي يغير كتير في مشكلته


4 ــ مين أقرب الأشخاص ليك فى العائلة ؟

أخويا اللي بعدي علي طول ( أحمد )




5 ــ صداقة الطفولة بتكون حلوة هل ليك أصدقاء
من الطفولة لحد دلوقتى؟
أوووووه أكيد الحمد لله ومش مجرد صداقه
( أُخوة بجد من الآخر ناس ينفع انك تَثقي في كُل واحد فيهم في كُل حاجة ودا نادر جداً دلوقتي )


6 ــ متسرع .. هادي .. عصبي .. " اه او لا " ؟؟

الــ 3 صدقيني ^_^
ودا بيكون علي حسب الموقف نفسه ينفع أتعامل معاه ازاي
( ايه الشخصيه الغريبه دي ^^ )

كلنا كده ههههههه




7 ــ ما هي سلبياتك ؟؟

طيب ليه الفضايح دي
بشكل مُجمل الحمدُ لله مش سلبي , وَلكن مفيش حد خالي من وجود سَلبيات
نِقول عنييييييد , لو حد بحبه جدا عمل معايا موقف وحش برد بنفس
مقدار حبي ليه تقريباً بس العكس , مش بعرف أستثمر وقتي طالما مخنوق
لما قلبي بيتفتح بفضل ارغي كتير زي الأتراك زي ما هيحصل دلوقتي ^_^


8 ــ ما هي ايجابياتك ؟؟

نقول صَبور , مُمَيز جداً في التواصل الإجتماعي عندي قوة تحمل
( في الشغل وفي المواقف الصعبه ) , وفٌي
( يعني شخص ممكن تثقي فيه بدون تفكير الحمد لله ) ,
بشتغل تحت ضغط بشكل كويس
وبما إن مفيش سؤال للمواهب نضم اللي جاي تبع الإجابيات
Ø الإقناع
Ø التمثيل
Ø السباحه
Ø الجري ^_^

استعجلت ليه السؤال كان تحت !




9 ــ ما هي أحلامك التي تم تحقيقها وما هي أقصى أمنياتك ؟

- أمممم نقول دخولي الجامعة والكليه اللي كُنت عايزها تحديداً
والحمد لله ودا كان بِداية الطريق للي إن شاء الله عايز أحقَقُه بَعد كِده
- مَفيش أقصي أُمنيات يعني مش بحط لنفسي حدود معينه
طالما فيه أمل وثقه بالله ومجهود اذاً كل شيئ ممكن يتحقق سنيوريتا
دا بيجي من التجارب اللي الإنسان بيعيشها وبيشوفها
مثلاً زي الشخصيات الناجحه علي مستوي العالم ودول كتير جدا
بقيت بتكلم زي النجوم وبتوع التنميه البشريه أهو *_*



10 ــ _كيف كانت طفولتك وما أهم المواقف التي تتذكرها فيها ؟

الطفوله أه من الطفوله ياريت لو نرجع تاني ولو ساعه !!!-
الذاكرة مش قوية للأسف ولكن كنت محبوب من المدرسين ( مش كلهم )
ودا أدي لأني لما كنت بطلب من حد حاجه غالباً كان بيعملها ليا
كانت حصة ألعاب وكنا بنلعب كُرة قدم وبالصدفه كان فيه كام مدرس
عند الملعب طلبت منهم إنهم يقابلونا فريق لفريق هههههه سابوا
حصصهم وفضلوا يلعبوا معانا فيه مُدرس مكنتش بحبه ولا هو كمان
وللأسف كان عليه الأشراف في اليوم ده شاف الموقف وتقريبا ما
استوعبش اللي شايفه , مكدبش خبر وفضل يجري ورانا بالجلده
( أداة للضرب ^^ ) في الملعب وكان هيقع علي وشه هههههه ( أجري يا أشرف )

طفولة بريئة و مدرس لطيف




11 ــ موقف حصل تتمني تكراره كل يوم في حياتك ؟

أول بنت حبيتها لما كنت بشوفها عيني مكنتش بتنزل من عليها
في يوم كنت معدي من مكان قريب من بيتهم وكانت موجوده شُفتها
فضلت كالعاده عيني عليها لحد مكنت هقع علي وشي , تباً
ضحكت ضحكه ساعتها امممم لحد النهارده فاكرها وفاكر ملامحها كانت ازاي .


وموقف لا تتمني أن تتذكره؟

مش موقف بعينه ولكن كل حاجه وحشه حصلت في حياتي .

12 ــ هل لديك هوايات معينة ؟؟

نعم , بحب دايما اتعلم حاجات جديده .



13 ــ متى تتولد الثقة بالنفس برأيك ؟

الثقه بالنفس حاجه مُكتسبه يعني مش بنتولد بيها ,
إذاً هي بتيجي من التجارب ( الحقيقية ) إضافةً إلي ان النجاح بيُكسب الثقة بشكل فعال
وكيف تكون إنسانا ً نادرا ً إذا ما قورنت مع غيرك من البشر؟
الوفاء , الصدق , الأمانه , كل دي صفات بتخلي الشخص شخصية نادرة .

14 ــ إذا رأيت بكاء الرجال فأعلم أن هناك
أمر جلل هل تعتقد أن بكاءهم ينتقص
من رجولتهم كما يُقال أم أنه يُعبر عن أمر كبير أم ماذا برأيك ؟

بالطلع سنيوريتا هناك أمر جلل
دمعة الراجل مهما كانت شخصيته مش بتنزل بسهولة
ولكن دا ما يمنعش ان فيه بعض الناس بتمثل في بعض الأحيان !!!




15 ــ المرأة هي نصف المجتمع وهي
التي تُربي النصف الآخر أنت كفتاة ما هو
رأيك بحال المرأة العربية اليوم من حيث
الحقوق والمساواة والإلتزام بنمط العادات والتقاليد ؟

لست فتاة ^_^ ولذا لن أُجيب علي هذا السؤال .

السؤال مكنش محدد للبنات بس .. بس تمام بقا

16 ــ رايك ف التوبيك من سلبيات و ايجابيات ؟؟

فكرة البرنامج عجبتني بالإضافه للعنوان جذاااب جدا
أتمني تكون الفقرة كويسه وتعجب الناس
وأخيراً شُكرا للجميله اسراء , بتمنالك الأفضل دايماً في حياتك




تسلم يا محمد ربنا يخليك
و ربنا يخليكوا لبعض انت و اخوك
اجابتها محسيتش فيها بملل اطلاقا
و فيها اكتر من حاجة لفتت نظري
منور بقا







  رد مع اقتباس