[Eng Esraa]

ازيكوا بقا ^^
هنزل انهاردة توبيك جديد من احكي عنكـ
و هيكون معانا ضيفه انا شخصيا بحبها جدا خالص يعني
معانا Aya 7ekaya
تعالوا بقا نشوف اجابتها ..



1 ــ لو التطلب منك تعرف نفسك قدام حد
اول مرة يشوفك هتقول ايه ؟؟

انا آية .. 22 سنه .. بدرس فنون جميله

2 ــ اية اكتر الاماكن تحب التواجد فيها ؟
" هدوء ــ تجمع مع ناس كتير " ؟

بفضل الهدوء اكتر



3 ــ لو حد قريب منك جدا طلب رايك ف شئ ما
هترد بضميرك ولا بمجاملات ؟؟ و ليه اي ان كان الاختيار ؟

بصى افضل شىء الوسطيه بمعنى تردى بضمير لكت بذوق
ف نفس الوقت لو كان ردك هيجرح اللى قدامك يبقى لازم
اختيار الاسلوب وده خارج نطاق المجاملات

4 ــ مين أقرب الأشخاص ليك فى العائلة ؟

اختى



5 ــ صداقة الطفولة بتكون حلوة هل ليك أصدقاء
من الطفولة لحد دلوقتى؟

اكيد بتكون جميله .. ليا صديقه واحده من الطفوله

6 ــ متسرع .. هادي .. عصبي .. " اه او لا " ؟؟

انا كولكشن التلاته مع بعض

عجبني اوي المصطلح يا ايه ! هههههههه



7 ــ ما هي سلبياتك ؟؟

حساسه زياده .. عصبيه

8 ــ ما هي ايجابياتك ؟؟

ماينفعش حد يمدح نفسه ^^

صح .. بس احب اقولك انك كلك مميزات يا بيبي (يارب سامحني)
لا بجد .. يويا انتي عسولة و فيكي حاجات كتير اجابية فعلا



9 ــ ما هي أحلامك التي تم تحقيقها وما هي أقصى أمنياتك ؟

احلامى اللى تم تحقيقها هى دراستى اول
شىء انى درست حاجه بحبها
اقصى امنياتى ماينفعش تكون الا الجنه

يارب يرزقنا جميعا بيها

10 ــ _كيف كانت طفولتك وما أهم المواقف التي تتذكرها فيها؟

طفوله كامله ، فعلا انا عشت طفوله حقيقيه خاليه من اى تعقيدات
افضل ذكريات الطفوله ايام المدرسه فى المرحله الابتدائيه
واللعب مع اصحابى و الهزار والمدرسين اللى ليهم بصمه حتى الان ف حياتى



11 ــ موقف حصل تتمني تكراره كل يوم
في حياتك وموقف لا تتمني أن تتذكره؟

موقف حصل اتمنى يتكرر يوم خطوبتى ^^
موقف مش حابه اتذكره اللى حصل بعد الموقف الاول ده

12 ــ هل لديك هوايات معينة ؟؟

بحب ارسم و بحب الاعمال الفنيه عموما ،
القراءه ، بحب الانشاد و بسجل ساعات



13 ــ متى تتولد الثقة بالنفس برأيك
وكيف تكون إنسانا ً نادرا ً إذا ما قورنت مع غيرك من البشر؟

اولا انا برفض جدا مبدأ المقارنه ومش بعترف بيه
كل انسان مننا فيه شىء مختلف عن غيره ،
فيه نقطه فاصله لو كان قادر على ادراكها هيكون انسان مختلف وناجح ،
حسن الظن بالله اول خطوات الثقه بالنفس بعد كده الايمان بالذات
《 انا هقدر ، انا عندى كل مقومات النجاح .. 》

14 ــ إذا رأيت بكاء الرجال فأعلم أن هناك
أمر جلل هل تعتقد أن بكاءهم ينتقص
من رجولتهم كما يُقال أم أنه يُعبر عن أمر كبير أم ماذا برأيك ؟

ابداا .. الرجل انسان عنده مشاعر مش مطالب طول الوقت
انه يكون صلب بالشكل ده ولا ف نفس الوقت يكون هش
لكن فى اوقات ممكن يكون البكاء سبيل للتعبير عن داخل الانسان .
مانرجعش بقا نشتكى من قسوه الرجال واحنا بنفكر بالطريقه دى



15 ــ المرأة هي نصف المجتمع وهي
التي تُربي النصف الآخر أنت كفتاة ما هو
رأيك بحال المرأة العربية اليوم من حيث
الحقوق والمساواة والإلتزام بنمط العادات والتقاليد ؟

الدين بتاعنا اعطى للمرأه مكانتها كل الحقوق الدين
نزلها و القران و السنه اتكلمت عنها
الوضع الحالى لا يحترم المرأه ، خاصه فى مصر
من اكبر الافكار اللى بتظلم المرأه جهل الرجل الشرقى
بمفهوم القوامه وده يطول شرحه
لكن لو رجعنا لديننا هنفهم كل حاجه

16 ــ رايك ف التوبيك من سلبيات و ايجابيات ؟؟

التوبيك جميل و اساله مهمه
تدوم افكارك المبدعه ي سيرو



حبيبتي تسلمي
عجبتني اجاباتك جدا
منورة بقا