[كـريـم الحـفنـى]

نفسى تعرف اللى بيا
نفسى أقولك حاجات كتير
نفسى ابقى سجين هواكِ
وبين ايديكِ أكون أسير
ملكه انتى فى كل شئ
فى ضحكتك
وفى مشيتك
حتى سكوتك
شئ خطير
اما انا
مش هقولك انى مثالى
ولا ملاك .. انا نص شر ونص خير
و مش راح أكدب
ولا هقول
ان هواكِ اول حكايتى
ايوه قبلك حبيت كتير
بس كل اللى شفته قبلك
كان سراب
انما هواكِ انتى
أصبح مصير
حتى انتى
مش مهم قبل منى
حبيبتى مين
المهم يوم ما شفتك
اصبحت ليكِ
حبك الأول والأخير

* كريم الحفنى *
حصرياً لبنات مصر