[I.Am.Legend]

بسم الله الرحمن الرحيم

اولا انا بعتذر على تأخيرى فى طرح العدد الثانى من مواقف ركن المهيسين

خلينا نبتدى على طول

مرة كنا بنصلي في مسجد صلاة الفجر ..

و الإمام كان أبو واحد صاحبي .. صاحبي ده كان واقف جنبي في الصلاة و كنت عارف إنه مجبر إنه ينزل يصلي من أبوه عشان ده عمره ما شم ريحة المسجد بإرادته ..

بس و أبو الواد طول أوي في القراية .. لما روحت البيت اكتشفت إنه قرا بينا ست صفح من سورة البقرة ..

في نص ما أبو الواد بيقرا .. لقيت الواد جنبي يا عيني بيعيط بصوت عالي أوي ..

و بيقوللي : هئ هئ .. اركع يا عم ده مش هيخلص ..أنا عارفه .. يا إخواننا ما تركعوا بقا .. هئ هئ هئ

و لقيته ركع و كمل الصلاة لوحده ..

ــــــــــــــــــــــــــــــــــــــــــــــــــ ــــــــــــــــــــــــــــــ

الشيخ اللي غلط في الصلاه ومكانش فيه حد يصحح له
وكان واقف واحد عجوز بيصلي
فالشيخ ردد الايه مره ومحدش صحح له
فالعجوز ده قال ايه
لا يا عم الشيخ مش كده
فاليشخ جابها تاني غلط
فقله ولا كده
فجابها تالت مره صح
فقاله ايييييييوه كده دة كدة صح كمل

ــــــــــــــــــــــــــــــــــــــــــــــــــ ـــــــــــــــــــــــــــــ

مره كنت فى السعوديه و بصلى لاول مره فى مسجد الرسول عليه الصلاه و السلام

و كانت صلاه الفجر

و كنت طالع من جده و ايه ............ 6 ساعات من جده للمدينه ........... يعنى من العشاء للفجر فى الطريق

و كنت عاوز انااااااااااااااام

مكنتش اعرف انها سنه فى صلاه الفجر انهم يقروا مجموعه أيات منهم أيه فيها سجده

المهم انا نايم خالص فى الصلاه

و بعد الفاتحه الامام قرأ كام أيه و بعد كده قال الله اكبر

انا ركعت

و الناس كلها سجدت

روحت قايل : الله هو اصلاه هنا غير الصلاه فى مصر ولا ايه

المهم اخدت بالى ان ابويا كان ساجد معاهم

روحت قايل فى نفسى : و ابويا كمان عارف كده و مينبهنيش قبل الصلاه ؟

ــــــــــــــــــــــــــــــــــــــــــــــــــ ــــــــــــــــــــــــــــــــ

موقف من مواقف الصلاه
واحد كان بيصلى بينا
بس هو طيب اوى يعنى
المهم ركع وبعد الركوع
قايم من الركوع قام قايل الله اكبر
افتكر انه قايم من الركوع
قام قايل لا لا قصدى سمع الله لمن حمده

ــــــــــــــــــــــــــــــــــــــــــــــــــ ــــــــــــــــــــــــ

واحد صاحبنا اسمة محمد حسين
احنا بنقولة ياحسين
فعرفنا واحد جديد علية وكان دايما بيقولة ياحسين
مايعرفش ان اسمة محمد حسين
المهم محمد حسين كان ابوة اللى هو حسين متوفى من زمان اووووووى
الواد صاحبنا دة اتصل بية فى البيت وقالهم ممكن اكلم حسين
قالولى دة مات يبنى الله يرحمة
قالهم ازاى دة كان معايا امبارح زى الفل
قالولة امبارح ازاى يابنى دة ميت من زمان
والواد بيعاند والله كنا خارجين امبارح مع بعض
قالولة والله مات من زمان واحنا دفنينة بإيدنا
المهم الواد قفل السكة واتصل بيا وبيقولى وهو حزين اوى حسين مات
قولتلة حسين مين
قالى صاحبنا
قولتلى حسين قاعد معايا فى البيت اهوة
وجالنا وحكلنا الحكاية وكنا هنفطس من الضحك

ــــــــــــــــــــــــــــــــــــــــــــــــــ ــــــــــــــــــــــــ

مرة كنا قاعدين بنتفرج على ماتش الأهلى و كوتوكو في غانا اللى خلص صفر صفر ده في القهوة ..

و القهوة كانت مليانة ناس .. و في الماتش ده بالذات كانت مليانة أوي ..

و على مسافة 2 سم مني كان هناك جسم غريب اسمه ودن الراجل اللى أدامي ..

و الماتش ده انا كنت جايب آخري من أسامة حسني ..

ضيع كورة سهلى خالص في الشوط الأول روحت جاي مزعأ جامد أوي في ودن الراجل اللى أدامي .. قال جرى إيه يا عم وطي صوتك و اقعد باحترامك ..

أنا : آسف يا باشا ..

شوية كمان فلافيو كعادته في الموسم ده ضيع كورة سهلة أوي برده .. رحت جاي رافص برجلي في كرسي الراجل اللى أدامي برده هو هو .. راح لافف وشه و ماسكني من التي شيرت و قايلي ما قلتلك يا بني اقعد باحترامك ..

أنا : شيل إيدك بس .. آسف يا باشا ..

قبل ما الماتش ما يخلص ب 5 دقايق كده أسامة حسني برده ضيع كورة سهلة جدا كان النفروض يحطها عادي قام حاططها بكعبه ألشت منه .. و مش عارف إيه اللى خلاني عملت رد الفعل ده !! ..

مسكت الشبشب اللى في رجليا خلعته و زربو على قفا الراجل اللى أدامي هو هو .. بقيته بيقول : هاااااااااااااااااااااااااااا .. و حياة أمي ما انا سايبك ..و انا جريت و الجري نص الجدعنة في الحاجات دي ..

الناس هدوه و أنا كملت الماتش على كرسي في آخر القهوة مش في مكاني الأولاني و أصحابي مسخسخين ضحك من اللى حصل ده كله ..

الماتش خلص و في وسط الزحمة و الناس طالعة الراجل لقيته جنبي رحت مصوت في ودنه و جااااااااااااااااااااااااااري ع البييييييييييييييييييييييت ..

و صدق الشاعر الذي يقول : الجري نص الجدعنة ..



انتظرو عدد جديد