[شاعر الحب الحزين]

لو حكينا يا حبيبي نبتدي منين الحكاية

بريئة جدا رقيقة في الجمال والحسن آية

كل اللي شافها استلطفها

بأدبها الكل اتعود يعرفها

رواية مقدرش حد يحرفها

سطورها من نور أجمل سطور وأجمل حكاية

مفيش بنت بجمالها وقفت ف يوم قدام مرايا

تسلملي كل رسمة رسمتها برقة

يسلملي القلب الطيب بكل دقة

سبحان اللي خلقها وصورها بكل دقة

وبتسألني أقصد مين ؟ اكيد أقصد بكلامي آية

النهارده عيد ميلادها ودي أكبر من كل الهدايا

كل سنة كل ثانية وانتي طيبة

تبقى كل أحلامك قصادك وقريبة

تبقى كل أيامك سعادة وفرح وصبا

ولو اللي فات مكنش حلو يارب تبقى أجمل بداية

ينور الفرح سكتك ما تغبش أبدا ضحكتك

تملا السعادة دنيتك لحد ما تقولي كفاية كفاية

من كل قلبي بقول كل سنة وانتي طيبة يا آية


طبعا النهارده عيد ميلاد آية حكاية

حبيت أبدأ بالمناسبة الجميلة دي

في المناسبات الغالية على قلبك بتقدر

تتخطى أي حزن جواك وأي ظرف بتمر فيه

كل سنة وانتي طيبة يا آية ويارب الجاي

في حياتك يبقى أجمل وزي ما بتتمني وزيادة

اسيبلكم المايك