[سهـــر]

مساء الخير
بقالي اسبوع مستنيه ماما تجبلي الجمبري عشان انزلها هنا
صغرت الصور على قد ما قدرت عشان متكونش كبيره





الطريقه
الجمبري اولا
هنجيب الجمبري ننقعه شويه في ليمون وخل
بلاش ملح عشان الجمبري بيشربه
على النار هنحط ٣ معالق زبده
وبصله متوسطه مقطعه مكعبات
وراس ثوم متقشره وهيتحط كامل زي ماهو
٣ طمطمات متقطعين مكعبات
هنسيهم ٥ دقايق ع النار
وبعد كدا نحط الجمبري عليهم
لما يستوي نص سوا نضيف ملح وفلفل اسود
وعلبه كريمه طبخ صغيره ومعلقه صغيره صلصه
ونقلبهم لحد ما يتقل


تاني حاجه الرز
في حله هنحط ميه مغليه
وعليها بهارات صحيحه ( قرفه وهيل وقرنفل وورق الشجر ده مش عارفه اسمه )
وبعد كدا نضيف الرز
رز بسمتي طبعا

للتزين ممكن شرايح بصل مقليه او بقدونس

مالناش دعوة بالزتون المحطوط ده عشان بابا

يارب يعجبكم بقا