طب ليه ياموج
تغدر بمركبتى بدون انذار
مركب عليل.
داير يلف بنور ونار
ملهوش بديل .
ولا حته ليه قطعة غيار
محسبتهوش ليه فى حسبتك
قبل أما تاخد القرار
البحر كان أطياف نهار
تشهد رماله لو حكت
صرخ وقال بعد انتظار
الريح سبب
ويمكن مكنش فيه اختيار
لومك عليا والعتب
كانو لروحى الانتحار
.أنا موجى ساكن بس ليه
عينك ماليها موج غبار
عكسين خبايا سكتك
قافلين عنيك بالانهيار
وبدون كلام
نازله حروفك تنحنى
تهجينى ليه بذنب ناس
خلت شراعك ينثنى
أنا يابن آدم مش حجر
انا زيي زيك بنكوى
ناحت فى قلبى مركبك
ومتكتفه فيا الحياه
أنا موجه عاجزه فى رحلتك
ملهاش معاك فرصه نجاه
بقلم/ آيه يوسف
fanaa