مش مستعد اجاملك لو كنت مني أو كنت غريب
لو بعيد عني ولا مني قريب
زي ما بتعاملني هعاملك
اسف مش مستعد اجاملك
وجرحك جوه مني رافض يطيب
لو كنت بين الحياه والموت وانتا الطبيب
مش مستعد أجامل حد
قدم السبت تلاقي الحد
ويكون في علمك
تقدرني هحترمك
تقلل مني هتشوف اسوأ رد
مبقاش فيه حد قلبه على حد
علمتني دموعهم م اجاملش مخلوق
علمني جرحي اكون صريح
خلتني طيبتي زي غريب في سوق
مليان خيانة وظلم وتجريح
لو المجاملة هتخليني من الشهد أدوق
مستحيل أجامل بالعربي الفصيح
م تبقاش تجاملني ان كنت رايق أو مخنوق
مش هردهالك وهتروح مع الريح
اسف مش مستعد اجاملك
وارضيك واظلم حد تاني
انا مش ملاك هيحل مشاكلك
انا اللي ف قلبي على لساني
ش . ح
|