 منذ /05-10-2018, 11:07 PM
|
#8 |
| 
مش عارف بس بعيدا عن مين يبدأ او ان الامر اصعب علي البنت عن الولد
فاعتقد ان كل حالة حب مستقلة بذاتها وليها كينونة خاصة بيها
واحيانا تلقائية المواقف بتوفر علي الناس التفكير الكتير
في مين يبدأ الخطوة الاولي او حتي انها تنتهي قبل ما تبدأ ...
لأن المواقف بتتركب حسب شكل حياتنا ..
يعني اللي عايشين في الارياف غير اللي في المعادي مثلا ..
وبرضه مش كل الناس تقدر تكسر العادات والتقاليد عشان تحافظ علي حالة حب
لسا ماحدش اتأكد انها اتوجدت من الطرفين ..
اعتقد ان كسر العادة كلام انشا مستهلك اكتر منه كلام واقعي في حالات كتيرة
واحيانا بينجح في بعض الحالات بس بطريقة اقل لأنك وقتها بتتخلي عن المنطق
وتتبع قلبك بطريقة عمياء ليس اكتر وتتحمل العواقب او انك تنال نصيبك الحلو من الحياة .. انت وحظك يعني ..
ممكن الحياة تكون بسيطة في عقولنا .. بس الكلام ده لو احنا عايشنها لوحدنا ..
لان في غيرنا قراراتنا بتأثر فيهم وكلامهم بيأثر فينا ...
بس الواحد مؤمن ان لو في قلوب صادقة فهي ببتلاقي ايا كانت الظروف
وربنا بيهيأ ليها الظروف انها تتمتع بتجربتها بكافة اشكال الحلال
بدون ان احنا نقعد نتفلسف وننظر في الكلام كتير في مين يبدأ يقول ايه ..
ولو الامر مجرد نزوة لواحد والطرف التاني صادق في خطوته الاولي ..
فاحيانا الجرح بينجي من المجهول .. واحيانا الاعتراف وان احنا نعرف رد
فعل اللي قدامنا .. بيوفر علينا وقت كتير من الغوض في الاوهام والمتاهات
اللي بتأخرنا كتير في حياتنا... علي الأقل بنقف عند نقطة .. وبنحدد اللي جاي
من حياتنا بشكل افضل .. لأن مش كل العقول بتقدر تستوعب توهان القلوب ..
بس الوقت بيستوعب حزنها ..
ومش شرط ان الصد يكون عيب بقدر أن العيب الأكبر
اننا نبني احلام في عقولنا ونتخيل شكل حياة طرفها التاني
مع ناس هما مش لينا
ومع استمرار الحياة واختلاف الطرق ..
تفكيرنا بيخونا بسيناريوهات عكس الواقع
بتحول حياتنا لبؤس ..
|
|
|  |