[السفيره عزيزه]

هتصوم ..
هنصوم صيام لله
ويا بخت اليبقي معاه
لا يندم ولايعرف آآآآه
لا حقد ولا حسد جواه
وحتي لو كان يعصاه
يتوب يقبله مولاه ..


هتصوم .
اكيد لابد نصوم
ونصلي كمان ونقوم

ونحِن على المحروم
دا طاير من عينه النوم
من الفكر ال كله هموم
مش قادر بحمله يقوم

دا شهر الحسنات بالكوم..


هنصوم ..
هنصوم صيام بصحيح .
ما ينفع معاه تجريح
ويسامح من غير تفتيح
الصايم هادي ومريح
كريم ما كان عمره شحيح
صادق ولسانه صريح
يسغفر وكتير تسبيح
وبحسناته سيئاته يزيح


هنصوم ...
هنصوم والقلب حزين
لسه في السجن سجين
حديده قاسي ما بيلين
يدعي وكله يقين
والله مع الصابرين
ما تنسوه وانتم صايمين
من دعوه .وراها امين..


هنصوم ان شاء الله
دا الصوم الخير وياه
واللمه على ذكر الله
قران القلب وعاه
وخشوع ودموع وياه

يا جمال شهرنا وصفاه
ثبتنا ياااااااا الله
على الحق ال احنا معاه
ربنا دا صاحب جاه
والتمكين للدين يا ولاه

جاي .جاي

واليقين في الله..
.......
السفيرة