[د/ عبد الله]

بعد الرحيل...
تبدأ خيوط تتشد فينا وتتفرد
بتشدنا ...ونشد فيها
وبرضو بيها بنتسند

وبنبقى أقوى الناس عليها
خايفين لنرجع تاني بيها
وف عز قسوة قهرنا
بنحس رعشة ضعفنا

ونشوف عليها الجنة جاية بتترسم
وايدينا جوا النار بتغلي
لكن بننسى ونبتسم..

كل مرة بقول نسيتها
وعارف انك مش هتنسي
وأما كنتي ف مرة تقسي
كنت بلمح بين ملامحك
ألف حاجة تقول واحشني

حتى وانتي كنتي جاية
ف عز ما انتي خلاص تعبتي
شايلة همك بين عيونك
كنت بسمع بين سكونك
صوت حنينك بيعاتبني

وياخدنا زمااان
من بعده زمان ويودينا
على دنيا جديدة تفرقنا
وف كل مكان بيورينا
أحلام..والحلم بيسرقنا
ويموت الحلم ف تنهيدة
موجوعة وساكنة ف أشواقنا.

بعد الرحيل.