[fanaa]

الغيمه مهد
وأنا قلبى كان لسه صبى
أخدتله عهد
أنه يكون عاشق غبى
قفل حواسه عن الحياه
داير يلف يقول مدد
كانت عينيك بر ونجاه
كانت كذكر مالوش عدد
شوفتك أمل
راجع بيزرع فيا أرضى البور
لجل ما يطرح فيا ورد العيد
شوفتك بتحدف فيا خيط النور
بيبدد العتمه فى كل وريد
كان قلبى فرحان بل جد
مهو قلبى عمره ماكانله حد
غير تفاصيل الالم
بس انت جيت زى القلم
فلقتنى سطر !
مستنى فيه حلم أتهدم
أنك تعيده من العدم
مستنى يغرق بين ايدك
فى حبر بحر !
شوفتك ملاذ
شوفتك ايجاز
لكل كلمات البشر
بس الحقيقه كات سكوت
يا نجم فرحان بالسما
أنا ورده مدفونه بتابوت
كانت بتبكى ع الرحيل
أنت وأنا
والا مابينا المستحيل
aya yousef