[countess doha]

اقتباس المشاركة الأصلية كتبت بواسطة دمعه حائره السلام عليكم ورحمة الله وبركاته أهلا وسهلا بأعضاء منتدى بنات مصر وكل عام وانتم بخير بمناسبه السنه الهجريه الجديدة النهاردة معانا أجدد عضوة وواضح انها هتكون انشط عضوة ان شاء الله فى ايام قليله قدرت تلفت الانتباه بمواضيع ومشاركات فى اكتر من قسم رحبوا معى ب ضحى عضو جديد اهلا وسهلا بيكى نورتى المنتدى اهلا وسهلا بحضرتك احب اشكرك على مشاركاتك ومواضيعك الجميله ربنا يخليكي ده بس من زوقك فى البرنامج بنعرف الاعضاء على اجدد عضو سجل هنا ممكن تعرفينا بنفسك اسمك وسنك اسمي ضحي عندي 20 سنه بلدك ومحل الاقامه مصر , المنصورة الحاله الاجتماعيه اعزب دراستك ؟ طالبه بالفرقه الثالثه كليه تربيه نوعيه قسم حاسب الي جامعه المنصورة عندك اخوات قد ايه عندي اخ واخت (اخويا اسمه ياسر 28 سنه بكالريوس تجاره متجوز عنده بنوته اسمها كارما , اختي اسمها ياسمين 26 سنه بكالريوس تربيه عام قسم لغه عربيه متجوزه عندها بنوته اسمها جودى) ماشاء الله ربنا يحفظكم مثلك الاعلى مين؟ بابا الحكمة المفضلة عندك كن لنفسك كل شئ هواياتك ؟ الكمبيوتر والانترنت عرفتى المنتدى ازاى؟ انا كان ليا عضويه فيه من حوالي 5 سنين ايام ماكان متواجد فيه بالالاف ف الساعه رجع اسجل تاني فكرته لسه زي الاول سجلتى على طول ولاتابعتى فترة زائرة ؟ زي ماقولتلك كنت فيه قبل كدا ومنستوش يعني ليه اختارتى النيم بتاعك ؟ كان عندي قصه ف الثانويه العامه فيها اسم كونتيس ف حبيته اول مشاركه ليكى كانت فى اى قسم ؟ الترحيب والتعارف اول موضوع ليكى كان فى اى قسم ؟ الترحيب والتعارف لقيتى ترحيب من الاعضاء وتفاعل منهم فى المواضيع اها بس ف الاقسام الشائعه بس اما زي قسم عالم المراه او التنميه البشريه مفيش خالص ,مشاهدات بس اكتر قسم بتحبيه؟ فضفضه الاعضاء وبقلم اعضاء بنات مصر مين اكتر اعضاء لفتوا نظرك وبتابعى مواضيعهم؟ لان اللي بيدخل حاليا محدود ف متابعه الكل بتحبى المسابقات وتشتركى فيها؟ اها تفتكرى ايه اكتر حاجه تشجع العضو الجديد يستمر ؟ مسابقات ع طول ومتابعه اكثر للمواضيع وزياده عدد افراد الاداره عشان الاقسام اللي المواضيع فيها لازم ليها موافقه تكون اكثر متابعه والمواضيع متتاخرش ف رفعها مسجلة فى منتديات تانيه؟ اه ايه رأيك فى منتدى بنات مصر حقيقي كان مميز جدا وكان نفسي يكون ليا فيه بصمه كبيره ايام ماكان كبير , بس ان شاء الله ملحوقه ان شاء الله يرجع احسن من الاول ايه بيميزة عن غير منتديات؟ ع اد ما بتقدروا مش بتتجاهلوا حد وبترضوا جميع الاعضاء قابلتك اى مشكلة اثناء التصفح او مع اعضاء؟ لا ابدا نصيحة تقدميها للاعضاء والإدارة زي ماقولتلك نزود بس اعضاء الاداره طب انا ليا رأى ان العدد الموجود حاليا كفايه على كم الطلبات وعدد الاعضاء الموجود وهما متواجدين كويس ان شاء الله لو زاد العدد ممكن يزودوا فرد جديد ادارى اقتراح او فكرةاو خاصية تساعد فى تطوير المنتدى ؟ حقيقي انتوا مميزين بكل حاجه صعب خالص ان المنتدي يرجع زي الاول لان الجيل الجديد كله جيل فيس بوك وتويتر المنتديات بقت وسيله تواصل قديمه شويه انا ليا ارتباط بالمنتديات من وانا ف 6 ابتدائي لما وعيت ع الفيس بوك سبت المنتديات خالص حوالي 6 سنين بس برجع تاني لانه مكان نضيف حرفيا وربنا يسهل الحال ويرجع اقوي م الاول ان شاء الله انا متفائله هل ممكن تقدمى دعوة لصديقة ليكى تسجل معانا؟ اكيد طب يالا مستنيه كل صحابك بشكرك على قبول الدعوة واتشرفت بيكى واتمنى تستمرى معانا متشرفه لاستضافتي تسلميلي وهنا تنتهى حلقتنا مع الجميله ضحى بشكركم على المتابعه واتركم للترحيب بيها فى امان الله

تسلميلي يارب
حقيقي كل الموجودين هنا غايه ف الاحترام
حبي وتقديري
متحرمش منك.💛