عرض مشاركة واحدة
قديم منذ /09-10-2018, 09:27 PM   #2

countess doha
عضو سوبر
 

 رقم العضوية : 103983
 تاريخ التسجيل : Sep 2018
 العمر : 25
 الجنس : ~ بنوتة
 المكان : المنصورة
 المشاركات : 1,863
 الحكمة المفضلة : شَبِيهـ الشّئ مُنجَذِبـ إِليهـ ��
 النقاط : countess doha has a reputation beyond reputecountess doha has a reputation beyond reputecountess doha has a reputation beyond reputecountess doha has a reputation beyond reputecountess doha has a reputation beyond reputecountess doha has a reputation beyond reputecountess doha has a reputation beyond reputecountess doha has a reputation beyond reputecountess doha has a reputation beyond reputecountess doha has a reputation beyond reputecountess doha has a reputation beyond repute
 درجة التقييم : 46099
 قوة التقييم : 24

countess doha غير متواجد حالياً

 

 

 

 

 

MY MmS

أوسمة العضو
افتراضي

اقتباس
مشاهدة المشاركة المشاركة الأصلية كتبت بواسطة aya 7ekaya
السلام عليكم ^^
النهارده معانا عضو مميز جدا
يمكن غايب دلوقتى عننا لكن زمان معروف انه اسم مميز مشرف الفلاشات سابقا وميدو مشاكل زى ماهو بيقول سابقا ودلوقتى
تعالو نشوف قال ايه





اهلا بيك فى برنامجى " جواب اعتقال " وواضح جدا من العنوان انك قيد الاعتقال
ف اتفضل جاوب على الاسئله انت عارف عندنا فى مصر اللى مش بيجاوب بيعملو معاه ايه

لا مش عارف

• عرفنا مين هو " ملك جبال الاحزان "

ده واحد كدة عنده 24 ولا بقيت 25 والله ما فاكر واسمى ميدو او محمود زى ما البطاقه بتقول بسيب الاختيار للبنى ادميين (:

• سبب اختيارك للاسم " ملك جبال الاحزان "

كنت مرهف الاحساس زمان

• ايه سر الاختفاء الطويل ده وهل ناوى تستمر فى التواجد ولا هتغفلنا

الاختفاء بقا لاسباب كتير اوى يا أيوش
اهمها الجيش قعدت فيه حبه حلوين فنسيت نفسي شخصيآ


• ايه الفرق بين محمود فى المنتدى وخارج المنتدى

جوه ملك جبال الاحزان
بره ميدو مشاكل


• اكتر صفه بشريه بتحبها واكتر صفه بتكرهها ؟

بكره جدآ اللى مش بيقدرو الجميل
وبحب كل انواع البنات

(ضيعت برستيج البرنامج يخربيتك )

• بتتعامل مع " حزنك " ازاى ؟

بلعب بلايستيشن بتكلم مع الناس بهزر واضحك مبحطش فى نفسي خالص

• قيم نسبه ذكاءك من 10

10/5

• موقف حصلك غير تفكيرك ومجرى حياتك ؟

موت ابويا الله يرحمه

• مقوله او جمله قرأتها والوقت اثبتها ليك ؟

العمر قصير متزعلش على حاجه كله رايح (:

• " الغموض " بيمثلك ايه ، وهل انت انسان غامض ؟

زمان كنت كدة لما احب اعجب الناس دلوقتى لا التفاهه حلوة

• امتى حسيت بالاستغلال فى حياتك ؟

كتيييييييير وبمشى معاهم لحد الاخر بعملهم الى عايزينه اكسب ثواب وفنفس الوقت مبكنش مستنى منهم مقابل

• "فى عالم موازى "تتخيل حياتك ممكن تكون ازاى ؟

محمد صلاح

• موهبه كنت تتمنى تكون عندك ؟

عندى الحمد لله الموهبه الوحيده اللى اتمناها بس بلادنا متشجعش علشان كدة مبتكلش عليها

• راضى عن حياتك بنسبه كام ؟

30%

• هل انت انسان طموح ؟

طموح بس بنسبه قليله اوى بس مع ان الدماغ شغاله بس للاسف القلب ضعيف فى الحته ديه

• ايه الفرق بين الحب والاعجاب من وجهه نظرك ؟

الاعجاب فى الحلو بس وانت ودماغك بقا يعجبك او لا اما الحب انت بتشوف الحلو والوحش ووقت الحب لو تقبلت الاتنين يبقا فعلا ده يتحط تحت مسمى حب

• احكيلنا شويه عن طفولتك ؟

بالنسبه للايام اللى الواحد فيها ديه فعلا طفواتى كانت احلى ايام راحه نفسيه مفيش مسؤليه اكبر مشاكلك تافهه وتتحل بابسط الحجات ياريتنا نرجعلها ايام


• لو بدون مقدمات اتهمك شخص قريب منك بالكذب والخيانه هتتعامل مع الموقف ازاى ؟

هحاول افهم اكيد ليه كدة
بس لو لاقيته مصمم اخبط دماغك يا جلبى فى اكبر حيطه تقابلك وبولق لوق


• " خط احمر " الجمله دى تمثل ايه فى حياتك

العلامه اللى معلمينها على تيشيرت نادى الزمالك هههههه

• لو عندك " سوبر باور " تتمنى تكون ايه وهتستخدمها ازاى ؟

حجات كتيراوى نقول بسم الله
هلم كل الى شايفهم مبوظين البلد ديه من اكبررررررررهم لاصغرهم
ام هند يعنى هبقا سوبر هيرو فنفسى اوى


• لو واجهتك مشكله ممكن تلجأ لحد يساعدك فى حلها ولا بتفضل تعتمد على نفسك

اعتماد الاول على انفس وبعد كدة لو احتاجت حد بيبقا فى اضيق الناس الاختبارات مش مفتوحالى اوى

• هل سبق وفقدت شخص بسبب نقاش سياسى ؟

كتيييير وحصل هنا حد كان قريب منى اوى
ايام ما كان المنتدى موضوع الاخوان والسيساويه خسرت حد كان مهم عندى للاسف بس حصل اللى حصل بقا

• ايه اكبر مشاكل العصر من وجهه نظرك ؟

المخدرات فعلا الموضوع بقا فظيع اوى وزيادة عن اللزوم
وتفتح البنات بجد بقا مرعب انا بشوف امثال فعلا جيل ضايع اللى طالع ده



• بما اننا فى مصر بنعتبر الحياه الخاصه ملكيه عامه ، هل اتعرضت لموقف قابلت فيه شخصيه فضوليه للدرجه ؟

فى مصرمفيش حاجه اسمها خصوصيه يا أيوش

☆▪☆▪☆▪☆▪☆





• لو رجعنا بالزمن للوقت اللى سجلت فيه ايه السبب اللى شجعك تسجل فى المنتدى ؟

كنت داخل اسرق حاجه بس ساعتها كنت لازم تسجل علشان تنسخ

• مين من الاعضاء اللى عرفتهم من المنتدى ولسه صداقتكم مستمره لحد دلوقتى

كتير اوى
مينفعش اقول الاسماء لان هيتقالى بتاع بنات
بس ايامنا كنا الشباب قليلن اوى انا مالى بس الحمد لله علاقتنا دايما فى الخير وتقدير والواحد بيفتخر بالناس اللى لسه لحد دلوقتى معاهم


• من وجهه نظرك ايه الفرق بين المنتدى زمان ودلوقتى ولو فى اختلاف ( وده اكيد ) ايه سبب الاختلاف ؟

مقدرش احكم على المنتدى دلوقتى لانى مش واخد فكره عنه جامده
بس ايام زمان كان فى تفاعل مسابقات ناس كتير افكار اكتر ابداع من كل واحد كان موجود وكل واحد كان متخذ مجال مبدع فيه بجد كان الاجواء لذيذة وكنا فاضيين ههههههه


• مين اكتر حد كان بيقدم برامج فى اليوميات وكنت بتحب تتابعه ؟

مش فاكر الاقسام بالظبط
بس كان فيه اركو ودمعه ومروشو ومش عايز انسى ناس بس كنا تيم بيحب البرامج اوى
ده غير المقالب اللى كانت بتبقا فى المنتدى
ديه بقا تخصصات


• افتكر موقف او موضوع او فكره هنا ف المنتدى وكلمنا عنها ؟

افتكر كان فيه مسابقه زمان مش فاكر اسمها بس كان بيبقا كل فرقه متكونه من اتنين وكانو بياخدو مكان معين وبنصوره كانت مسابقه حلوة اوى

• مين من الاعضاء اللى شايفهم مميزين دلوقتى وليهم حضور ؟

دلوقتى مش متابع الكل بس اتمنى يكونو كل الاعضاء على قد المكان ويحبوه ولو حبوه هيحسو قد ايه المكان ده حلو وهيحسو بالراحه اللى الناس القديمه كلها حسوها

• لو بقيت ادارى ايه اول قرار هتاخده " ربنا يستر "

هحظرك

• مين من الاعضاء الغايبين تقولهم ارجعو " وحشتونا " ؟

كتيييير هنسى ناس اكيد
نفس كل التيم المشرفين والعضاء والمديرين كلهم يرجعو نفسي بجد


• ايه رايك فى البرنامج؟ حلو طبعا عارفه شكرا

العفو

نورتنى جدا ي ميدو
شكرا لقبولك الدعوه


العفو يا ايوش تسلمى للاستاضفه اللذيذه ديه

ههههههههههههههههههههههههه
استوقفتني عباره (الخط الاحمر اللي ع تيشيرت الزمالك )
اهلا بيك ياميدو
حلوه يايوتا الفكرة







  رد مع اقتباس