[ahmed 22]

اعتقد ان الحلول مافيش اختلاف
انها بتكون من البيت

اصلا الفكرة لما اتنين يقرروا يرتبطوا
اعتقد بيقعدوا يكلموا في كل حاجة تخص الماديات
وشكل الفرح .. ونادرا اللي تلاقيه يكلم مثلا
في مستقبل اولادهم وازاي هيتفقوا سوا اذا ربنا رزقهم
بالذرية الصالحة علي طرق تربيتهم ...
اعتقد أن ده اولي من اي اتفاقات تانية
واعتقد انه شرط اساسي كمان المفروض يتواجد في الزواج
وخصوصا في شكل المجتمع المتواجد حاليا والمنفتح
بالتكنولوجيا .. حتي لو كان علي شكل حديث جانبي ..
ما هو يعني في فترة الخطوبة مافيش اكتر من التفاهات
اللي بيضيع فيها الوقت ... ولازم الواحد يعرف هل شريكة حياته
عندها دراية بالتحديات دي ولا لاء ولو بنسبة 50 المية ..

فالمفروض يتفقوا امتي هيمسكوه تليفون من الاساس ..
ونوعه ايه .. لو هيقلقوا عليه وحابين يطمنوا عليه ..
يتفقوا امتي هيتفرج علي التليفزيون ... التوقيتات الخاصة بالتكنولوجيا
المفروض ماتكونش هي حياتة من الاول والاخر ..
اصلا هيبدأ امتي يقرروا انه يكون ليه كمبيوتر خاص بيه
امتي هيكون في اوضته تليفون او تليفزيون ..
اسلوب حياته هيبنوه ازاي .. حاجات وتفاصيل من هذا القبيل يعني
الحاجات تبان انها ساذجة يعني .. بس هي بالفعل اساسيات
المفروض تتواجد في المجتمع الحالي ..

احنا في جيلنا التكنولوجيا كانت دخيلة علينا في ذروتها
فالاهل ماكنوش متنبهين لانها كانت دخيلة عليهم برضه وجديدة عليهم
فالمفروض اللي عاش الفترة دي بحلوها ومرها ..
وعرف ان ازاي عيوبها بيكون ليها تأثير علي المدي البعيد والقريب ..
يكون اقصي استفادة منها بتجربته ..

المفروض تكون العيلة هي المشروع
اللي بتتبني اصولها بطرق بره حقارة المجتمع الموجود حاليا
والمفروض الطفل يكون هو الاولوية لأنه لاما هيمثل شكل السعادة
او نقطة تمثل خيبة الأمل وحياة كئيبة ...

لأن اللي جاي اصعب من اللي راح ..