[*فجر الاسلام*]

اسرقى منا الاجابه
وارميها فى وسط غابه
وسط وحوشك المفتريه
اللى تاكل الغلابه

كممى كل الأنفاس
وامحى طيبتك من الأساس
واللى يحاول يعمرك
اكسرى من ايده الفأس

طمنى كل غريب
واوهميه انه حبيب
وشيليه فوق راسك
وبعدى كل قريب

دفنتى ليه القلب الحزين
اللى حبك من سنين
وانتى بهجرك ضيعتيه
ورمتيه تحت الطين

الحال كده عاجبك
عايشه ازاى من غير قلبك
صحصحى قبل ماتفوقى
وماتلاقيش حد جنبك
.
*فجر*
20/9/2018