[د/ عبد الله]

الموضوع شائك شوية ومحتاج فهم
مبدئيا أي حاجة بتحصل ف الكون فهي مكتوبة من قبل خلق الكون
يعني جميع تصرفاتنا وجميع قرارتنا وكل اللي بنعمله وبيحصلنا في حياتنا مكتوب من قبل ما نتخلق

وده مش معناه ان ربنا بيجبرنا على أقعالنا واختيارتنا
ربنا ادانا العقل اللي نقدر نميز بيه الصح من الغلط
وادانا حرية الاختيار في جميع أفعالنا واختيارتنا
حتى ادانا حرية الاختيار في الدين ولم يجبر أحدا على الدخول ف الاسلام

لكن ربنا علمه أزلي وعارف كل واحد فينا هيعمل ايه ف كل حياته
وعارف اللي حصل وبيحصل وهيحصل ف الكون كله
فربنا كاتب عنده بعلمه المسبق جميع أقدارنا

يعني كمثال..ولله المثل الأعلى وليس كمثله شئ:

لو اتنين قريبين جدا من بعض وحافظين بعض
وجينا سألنا واحد فيهم عن تصرف التاني ف موقف معين
هيقولنا اللي هيعمله لانه حافظه وعارف تفكيره.

ربنا عنده العلم المطلق باللي هيحصل وكتب كل ده ف كتاب بعلمه وليس اجبارا لأحد