[يــزن]

هانت عليك



قالت والدمعُ يغالبُها

من قطع الوتر المشدود

تردد والحزن يشاطرها

إن كان فراقي المقصود

فرحيلي وجعٌ ....

بالكسرةِ ممدود


دلوقتي هانت عليك

مش كانت الدنيا بالنسبة ليك

مش كانت الشمس في إديك

تنور ظلام دنيتك

تمسح دمعة عينيك

دلوقتي عادي ومش فارقة

تكويها بنار غدرك الحارقة

يا أعمي القلب

.. نسيت

دا أنت علشانها حفيت

سوقت عليها كل اصحابها

لجل بس تتعطف عليك

توصل العشق والشوق اللي بيك

دلوقتي عادي ومش فارقة

هانت عليك ..

ونسيت

يا زارع محبتك شوك

في قلوب كل اللي حبوك

بكره هينسوك

وقلبك يموت م الخوف

لا جميله ولا معروف


أرجع فالويل الويل لمن أدمع

قلباً يسكنهُ الحب ولم يشفع

فالحب شحيحٌ يا صاح

في دنيا تملكها المطمع


نصيحة يا قلبي

متخلهاش ترحل

وأرجع

دا كسر القلوب

يوجع

خدها في حنانك

نسيها جنانك

وبوس منها الجبين

وقولها

يا ساكنة القلب وغرامه

غريب تاه جوا أوهامه

طلب السماح

ونفسه هنا يسمع

يا هل تري ينفع