[احساسى صحيح]

حقك عليا متزعليش
وإن هونت يوم عليكى
فانتى ابداََ متهونيش
لما شوفت كلامك انهاردا
مصدقتش عنيا
شكلك اكيد مبتهزريش
واحب اقولك ،

لا عمرى كان ليا صاحب
ولا حتى صاحبة
بس اعمل ايه
انتى اصلك مبتصدقيش
وع العموم ارجع اقولك
حقك عليا متزعليش
والله وباقولها من قلبى
وإللى بس من نظرة عنيكى
قادر يعيش
والله لو شوفتى ملامحى
لا يمكن انك، متعيطيش
اول مره اشوفك بتجرحى وبقوة
وانا اللى خايف على قلبك ينجرح
يا خسارة، انا اللى قلبى طلع ،

ما يساويش
هى كلمة وحشانى تعمل كدا
فكرت كتير وملقتش
ف الكون دا زى قلبك مفيش
ورغم القسوة منك
لسة ليكى جوايا

حاجات حلوة متتنسيش
وبعد دا كله
لو لقيتينى لسه بأقولها
متندهشيش
مش مجرد صدق ولا حنية

هى القلوب دايما كدا
لما تعشق
ولما تتعلق دايما تقف
تفضل ماسكة ومبتمشيش ...!