 مركز اخير. +18
مستغرباني ليه كده..
ايوة جاي اقول سلام
ولا ينفع معاكي غير كده
اصل انتي فعلا مش تمام
كنت بصدق كل كلامك
كدبتي عليا كتير
وعدتيني بالف فرحة
ومشفتش اي خير
كنتي اول حاجة عندي في كل حاجة
وكنت انا مركز اخير .....
ولا يشبه لهواكي حد..
ولا لاقي في وصفك ناس
وبقول لنفسي ازاي
توصفها بالاحساس
دي حد وكان عايش زمان
دلوقت مات خلاص
كل شئ يأذي ويجرح
كنتي دايما تعمليه
زي الشيطان بالظبط
قلبي حالفة تعذبيه
مايروح غرامك وفي الف داهية
هتفرق ايه؟
انا لو خسرت واحدة زيك
تفتكري ممكن اخسر ايه!
جربتي تعيشي لحد.. شليفك بره حساباته
وكل ماتيجي تاخدي بايده.. وتغيري حياته
مايفتكرش اي حاجة بتعمليها معاه
ودي برضو تبقي حياه؟
لا همه العشرة ولا فارقة
ولو بتموتي مش فارقة
وكانه تمثال من حجر
وقلبه مات جواه
واللي يوجع اي قلب
انه يشوف الحب ذنب
واكيد حرام
لو نسلم يوم قلوبنا لاي كلب
وعشان اكون صادق معاكي
انتي وهواكي..
في نظري ذنب
Ahmed adel
16-10-2018
|