 فيها حاجه حلوه
السلام عليكم
لفت نظرى أغنيه كدا لها رتم جميل وهادى
والمهم بقا الكلمات بتقول عن مصر
فيها حاجه حلوه
حاجه حلوه بينا
حاجه كل مدى تزيد زياده
وباقى الاغنيه بتعدد الحاجات الحلوه
استغربت و قلت دا الجرايد والبرامج مليانه بالحوادث من سرقه لضرب لقتل لطلاق لغلاء اسعار فظيع
وحاجات غريبه عمرنا ما سمعنا عنها
حتى الناس تحس ان القيم والمبادئ عندها اختلفت
هل فعلا مصر لسه فيها حاجه حلوه
ولا السواد غطى على كل الجمال فيها
احنا هنا طبعا الطابع المأساوى بيغلب علينا
وكلنا جوانا حزن وألم وبؤس على الاحوال
ايه رأيكم اللى يشارك فى التوبيك
يدخل يقول على حاجه حلوه
يعنى عاوزين الحاجات الحلوه
يمكن تفتح طاقة أمل جوانا بصلاح الحال
|