 حبيبنـــا اللـــزم
حبيبنا اللزم
اللي نموت عشانه لو الأمر لزم
اللي حبه وحنانه أحلى وأغلى النعم
اللي ف تواضعه خلى أكبر ما فينا قزم
أصلي وعلى وضعه شهم طيب محترم
اللي حفظ العشرة وصانها
اللي عمره بكلمة ما خانها
اللي ما تشوفش دموعه لو قدامك ابتسم
اللي الإحساس عنده مسطرة والأفعال قلم
اللي مش بنندم على اختياره
اللي مسيطر حبنا على أفكاره
اهو ده اللي ممكن يقلب حياتك جنة من عدم
ده حبيبنا اللزم اللي نموت عشانه لو الأمر لزم
شـــــــــــــــــــــــــــ . حـــــــــــــــــــــــــــــ
|