[ahmed 22]

مش عارف الموضوع ينفع في القسم هنا ولا ايه ..
المهم ..


اكيد كلنا عارفين توماس اديسون مخترع المصباح الكهربي او ستيف جوبز اولا كمخترع ثم ثانيا كمؤسس لشركة ابل وكتير من المسميات او كتير من القصص الملهمة اللي ممكن تخرجها من شخصيتين بحجم جوبز واديسون والهالة الكبيرة اللي احنا دايما بنحسها حواليهم واتعمل ليهم افلام وهما بمثابة قدوة في الكتب الدراسية وغيرها ..

ولكن الحقيقة اللي غايبة عن ناس كتير او الغير مطلعين بصورة منتظمة علي المستجدات العالمية .. ان ستيف جوبز ما هو الا مسوق بارع
واستاذ في الماركتينج والعلاقات العامة .. وتوماس اديسون في عصره كان رجل أعمال قبل ان يكون مخترع ...

الشخصيتين دول كانوا بمثابة هالة كبيرة أخفت لحد وقت قريب أصحاب الانجازات الحقيقية واللي كانوا في ظلهم لفترات طويلة بحكم اشياء كتيرة ممكن نكلم عليها ..

يعني مثلا ستيف وزنياك كان في ظل ستيف جوبز نتيجة عوامل كتيرة .. اما نيكولا تيسلا كان ضحية نفوذ توماس اديسون في عصره ...

بمعني ان وزنياك كان يعتبر شريك مؤسس لشركة ابل بل الضلع الأكبر لأنه كان المخترع وهو يعتبر رائد ثورة الحواسيب الشخصية الحقيقي .. لانه هو عمل علي تطوير اول جهاز كمبيوتر تم اطلاقه في الاسواق عامة .. ويمكن ليه قصة غريبة شوية
انه ترك العمل في شركة ابل في بداية التمانينات لأنه ماكنش راضي علي الاتجاه
اللي بتسير فيه الشركة وباع حصته وفقد الذاكرة في بداية الثمانينات نتيجة حادثة
وبدأ دراسة من جديد عشان يقدر يستذكر كل اللي فقده وماكملش وبعدين الذاكرة
بدأت ترجع ليه مرة تانية في بداية التسعينات ... المهم انه نتيجة انه ترك الشركة مبكرا تم نسيانه ... ولكن في الأعوام الأخيرة تم اكتشاف ان اصلا ستيف جوبز لم يقم باختراع حاسوب ولم يكن له القدرة علي تطبيق افكاره بنفسه ..
بس هو يقدر زي ما بيقولوا عندنا كدا يبيع الهوا .. يعني قادر يبيع الأفكار ويسوقها بشكل ناجح وقادر يتواصل مع الناس بصورة كبيرة تمثل الواجهة
للمهندسين والمبرمجين الهواة الحقيقيين اللي جمعهم في الجراج عنده عشان يخترعوا واولهم هو شريكه وزنياك ..
و بالفعل كانوا السبب الرئيسي في النقلة الي حصلت في عالم الحواسيب وغيرها حتي ظهور الايفون وغيرها من الأمور ... حتي الفيلم اللي اتعمل عشان يحكي عن قصة ستيف جوبز .. طلع وزنياك وقال ان الفيلم ده لا يمت للواقع بصلة لأنه صور جوبز انه المخترع
ولكنه كان فقط قادر ان يسوق ويوصل للناس بصورة اسرع ...
صحيح انه نقدر نقول ان ممكن وزنياك وجوبز بيكملوا بعض .. ولولا وجود
الاتنين في حياة بعض ماكنش العمل بتاعهم طلع للنور
او الثورة اللي حصلت اخر 30 سنة ماكنتش اتوجدت ...
بس الحقيقة بتقول انه عدم وجود شفافية الانجاز
ادت انه بعد موت جوبز .. يظهر في نظر البعض محتال نتيجة عدم ابرازه لدوره الحقيقي وانه بمثابة وجهه
او صورة لشخصيات قد تكون أعظم مع انه كان قادر يكون ملهم لكثير من الشباب ..
وكانت لتكون افضل لو استمر عطاء من كانوا في الظل في مكانهم الصحيح ...
وده لا يمنع ان وزنياك حتي الآن مازال ليه دور في عالم التقنية حتي الآن ويمكن برز اكتر بعد موت جوبز ...

اما بالنسبة لنيكولا تيسلا .. ان واحد من البشر مقتنع ان تيسلا موهبته وذكائه افضل من اينشتاين ..
ويمكن اينشتاين نفسه لمح لكده لم تم سؤاله عن من اكثر ذكاءا .. فقال للصحفيين اسألو تيسلا ..
عالرغم من مهاجمة تيسلا لنظرية النسبية لاينشنتاين وعدم اتفاقه علي ما جاء فيها ..
هي شخصية كل ما تقري عنها تحس انها بالفعل ماخدتش حقها اطلاقا ... مع انه السبب الرئيسي
في معظم الطفرات البشرية اخر قرنين وسبب رئيسي في ما وصلنا له حتي عامنا 2018..
ومع ذلك الكثير من الناس العادية مش متطلعين علي كدا
يمكن هو في ملتقي العلماء يعتبر رمز كبير .. انما بالفعل اتظلم ومات فقير مع انه قدم للبشرية
الكثير .... وكان دايما بيقول لمن حوله مش مهم ان الناس تعرف مين صاحب الانجاز .. المهم ان الناس تستفاد منه .. ما يميز تيسلا عن باقي العلماء انه يالفعل لم يكن يهتم بالشهرة او غيره وكان له مبادئ وضحة
ولكن فقط كان يريد مساعدة الناس ليس الا دون الانتباه لحقوق عبقريته
وربما هذا سبب انه لم يأخذ حقه ..
ولكن الزمن انصفه بشكل كبير ...

مشكلته يمكن انه اتولد في عصر توماس اديسون اللي كان رجل اعمال اكبر منه مخترع .. مع انه متسجل
ليه اكتر من 1000 براءة اختراع ... بس الحقيقة انه كان عنده مصنع بيشتغل ليه الكثير من العلماء
وكان بيشتري منهم حق الاختراع بتاعهم ويسجله باسمه وكان من ضمن اللي بيشتغلوا معاه تيسلا
اللي جيه امريكا بسبب انه تقدم للعمل مع توماس اديسون ..
ولما تم اختراع المصباح الكهربي كان بمثابة تجارة ناجحة لاديسون ولكنها مكلفة جدا للبشر وكان ضوئها خافت مكنش حتي بيؤدي الغرض اللازم ..
بس تيسلا اخترع التيار المتناوب اللي حاليا بيتم استخراجه من السدود ويوصل بشكل اسرع وأعلي
وبتكلفة اقل ... بس تم محاربته من اديسون اللي قعد يوصل للناس ضرر التيار اللي اخترعه تيسلا
وانه ممكن يتسببهم في موتهم لدرجة انه كان ببيتقال انه بيجيب حيوان ويقتله قدامهم بالتيار ده
عشان يصدقوا انه ممكن يؤذيهم ...

المهم ان الرجل ده لما مات .. تمت مصادرة كل ابحاثه وكل اوراقه من الحكومة كأنها شئ بمنتهي السرية
وتم بعد ذلك اخراجها علي هيئة اختراعات ... يكفي اني اقولك ان تيسلا اولا لقبه ابو الكهرباء او مخترع
القرن العشرين بدونه لن يكون هناك راديو او تليفزيون او حتي اي جهاز كهربي ... او تيار او لفائف .. او الاشعة السينية
او الرادار والليزر او حتي الروبوتات ومئااات من الاختراااعات وليه براءة اختراغ في مكافحة الجاذبية
يعني اخترع الة طائرى زي الهليكوبتر وكان ليه اراء في نظرية النسبية وابحاث عن الفضاء وحاجات كتيرة ...
وحتي انه فيه حتي الآن اختراعات مازالت تحمل السرية في الحكومة الأمريكية
ولم يتم الاعلان عنها حتي الأن .. وهناك الكثير من الاختراعات التي نسبت لغيره من العلماء ..
وتمت سرقتها ..

المهم وخلاصة ما اود قوله
دايما يجب ان ننتبه الي من هم في الظل ... لأن هؤلاء هم من سينصفهم الزمن
وده ممكن يفقدنا حب او ذكري اخرين لانهم كانوا بيحاولوا يغطوا عليهم
او ماعطوش حق من لهم الفضل الأكبر فيما نحن عليه الآن ...

فدائما من في الظل هم الاقوي او من يثيرون الاعجاب مع الزمن ..
لانهم غالبا انتصروا لعلمهم ومبادئهم وحبهم لمساعدة الأخرين وليس للتسويق لشهرتهم
او جمع الأموال ...