الله يسلمك يا ضحي
اللي حصل معايا انهم نفخوني ^_^
يعني تمارينات والذي منه
باختصار كل حاجه هناك بطوابير حتي الحمام ^_^
اخدت 35 يوم تعبت الفتره الأولي علشان مش متعود علي الحياة الميري
وان كل شيء أوامر ... الخ) ولكن في وقت قصير قدرت اتأقلم معاهم الحمدلله
وتدريجياً اتعودت واهو كلها سنه وهتعدي بعون الله
اخدت 35 يوم كلهم شبه بعض يعني اللي بعمله النهارده هو اللي بعمله تاني يوم وهكذا !
روتين يومي ودا بيخلي الواحد يمل
الأكل طبعاً اممممم بلاش نتكلم علي الأكل ^^
انتهي مركز التدريب علي خير والحمدلله ولما ارجع يوم الجمعه هترحل علي الوحده الأساسيه
اللي لسه ما اعرفهاش لحد دلوقتي ولكن غالباً شمال سينا أو رفح ^_^
واحتمال ضعيف قوي انها ممكن تكون في اسماعليه انشاء وكباري
استفدت من الـ 35 يوم دول كتير قوي وطلعت بصحبة جميله وختمت القرآن الحمدلله
متشكر جداً لإهتمامك ودعواتك الجميله يا ضحي
نُردهالك في الأفراح بعون الله , ربنا يكرمك ويوفقك / اللهم آمين .
|