عـد اصحابـك
عد اصحابك عد احبابك شوفهم كام واحد
وابقى شوف ف شدتك هينفعك كام واحد
يبانوا وقت ضحكتك تحسها بتوجعهم
لو شافوا دمعتك بيفكروك بتخدعهم
دول يا صاحبي لا تعدهم ولا تجمعهم
عد من تاني سمعني كده وسمعهم
لما الوحدة سجنتك مين دق على بابك
لما الظروف بعدتك مين اللي حس بغيابك
دفعت التمن لوحدك من عمرك وحسابك
عد تاني جايز تبقى ناسي حد من احبابك
هتعد تاني ولا خلاص مش فاضل حد
يا صاحبي أصل الحكاية مش بالعدد والعد
لازم تفهم لازم تعرف عشان تقدر تحط حد
وقت شدتك بس تعرف مين اللي بيحبك بجد
عد اصحابك وضيف احبابك شوفهم كام واحد
وابقى قابلني لو شفت ف شدتك واحد
شـــــــــــــــــــــ . حــــــــــــــــــــــ
|