[شاعر الحب الحزين]

رجعتي ليه وإيه اللي جابك

ما خلاص اتعودت على غيابك

مش انتي اللي اخترتي تخسريني

مش قلتي عادي كتير احبابك

خلاص عدى وفات وقت عتابك


أكبر من حبك كرامتي اللي حاولتي تنزليها

أكبر من خداعك قيمتي ما تحلميش تقلليها

اتعودت على الحياة في بعدك عني

وتعبت لحد ما قدرت اخرجك مني

راجعة ليه دلوقت ما فات الوقت وعرفت اللي فيها

سكتي ضيقة ما ينفعش ييجي حد معايا ويمشيها


بقيتي برة حساباتي وعمري ما كنت بره حساباتك

انتي اللي اخترتي تخسريني وتعيشي من غيري حياتك

قدام الناس قدام الدنيا اخترتي فراقي

وراجعة لوحدك فين الناس فين الباقي

انا حسيت لحظة بالألم قد كل لحظة ألم شفتيها ف حياتك

من بعدها بقيتي ذكرى نسيتك نسيت صورتك وذكرياتك


سامحتك لكن خلاص اتعودت على غيابك


شــــــــــــــــــــــ . حـــــــــــــــــــــ