صدقتيها
قالتلك عني كلام وإنتي سمعتي وصدقتيها
ثقتك فيا كان أي حد قادر يهزها ويمحيها
صديقتك مكنتش رايدالك خير
بكلمتين منها هانت عليكي العشرة وقدرتي تنسيها
ما سألتيش نفسك فينها دلوقت
ليه من بعد فراقنا كل فين وفين لما بقيتي تشوفيها
خلاص خدت اللي هي عايزاه
لما تقابلك العبي دورها وحاولي عن حبيبها تسأليها
جايز تقول جايز متقولش بس هتشوفي صورتي ف عنيها
قوليلها عني أي كلام مش هتهزي ثقتها فيا
اهي دي اللي حبيتني بنسبة مية في المية
كنت عايز ثقتك قبل حبك
كنت عايز اهتمامك قبل قلبك
كنتي عايزة أي كلمة عني تخليكي تقسي عليا
إنتي فشلتي في الإختبار وكنتي لغرورك ضحية
وزي ما انتي صدقتيها كان لازم اصدق حبها ليا احنا الاتنين صدقناها
احنا الاتنين عشقناها
هي كدبت عشاني
وانتي صدقتيها ف ثواني
واديني دلوقت انا اللي معاها
هي ما كدبتش عليا
ثقتها فيا حبها ليا خلوني اصدقها
صعب احب غيرها صعب انساها شــــــــــــــــــــــــ . حــــــــــــــــــــــــــ
|