 خليك أقوى من جرحك
ما تغلطش ف حد عشان ما تطلبش منه يسامحك
وإن حد غلط ف حقك سيبه هيجيبه الندم لصالحك
وإوعى أشوفك في يوم ضعيف
هما لو فصول خليك إنتا الخريف
وقع ورق شجرهم خلي بردك يئيد نارهم لو لمحوا ملامحك
ما تتحاماش بحد خليك انتا سلاح نفسك
روض غرورك العب دورك وانتا غالب يأسك
اصنع من جرحك قوة وخليك دايما أقوى من جرحك
ده بكرا الأيام تعدي تحكي وجعها لغيرك وانتا بتضحك
كل جرح وليه مدة وزمن
مع الأيام يتنسي ويطيب
ومين جرح ومدفعش التمن
كله بيحاسب وبيقول نصيب
خليك أقوى من أي جرح وشجن
غرب جرحك قبل ما يخليك غريب
شـــــــــــــــــــــــ . حـــــــــــــــــــــــــ
|