منذ /01-13-2019, 05:34 PM
|
#1 |
مشرفه الفوتوشوب
| ضرير الحال بقلمى فى البحر يبكى وسط موج عالى
خايف يارب فى غربتى حالى
خايف تكون فى الغربه احوالى
نفس الاكانت فى الوطن من حال
وعيونه تسرح فى المدى الواسع
احلامه اكبر م الفضا الشاسع
والبحر كنه أصم مهوش سامع
حزنه وانين عزفه من الترحال
الفقر فاحت ريحته من عرقه
شايل على ضهره هموم بلده
يحضن بروحه صوره من ولده
بس الفراق كنه عليه متحال
يفوت عمره مابين النار
ماشفش ولو لمره نهار
فى ليل الغربه كان ينهار
ويبكى من الحنين والويل
ودموعه جوه منه تلال
ومعدش عنده شيء يتقال
كل الا جواه من وجع
أصبح شفاه منه محال
ماشى على السكه حزين
جواه لناس غاليين حنين
جواه ياناس حزن وانين
ومعدش لرجوعه مجال
يصرخ على حلم السفر
فى الغربه روحه بتنكسر
عايش وعمره بيتهدر
ضرير بلده وضرير الحال 2019/1/1 #aya_yousef fanaa
|
| |