[شاعر الحب الحزين]

فهمت الدنيا بس أنا نفسي مش فاهمني

بمشي ف طريق وعارف تايهة السكة مني

انقلاب في حياتي اللي حاصل

خلاني بين الحروف نقط وفواصل

بطل فيلم الشقى ومفيش فاصل

نفسي أحبني زي ما بحبهم ليه أنا دايما ظالمني

سايب نفسي للدنيا وكل ما في الدنيا سايبني

ملكت مفاتيح الفكر بس احترت ف عنوان

ألفت قصيدة شعر ما ركبتش على ألحان

من غير عنوان من غير ألحان إزاي هتتغنى فهمني

صاحبت القلم كتر الألم خلاني أقوى من كل شيء يإلمني

اضحك مع اللي بيضحك وقلبي مع الحزين

اقدر مع الكل أتعامل حتى لو قدامي مين

إلا مع نفسي بين أملي ويأسي ضعت وما بقتش فاهمني

اتنين ف حياتي ما فهمتهمش نفسي واللي قال إنه فاهمني



شــــــــــــــــــــــــ . حـــــــــــــــــــــــــ