قوي نفسك الدنيا ملامحها متغيره والخطوه فيها قصيره
والبرائه لو اختفت فكانت روحك صغيره
وكبرت مع الايام وشافت كل الالام
والماضي واحلامه ده كله كان اوهام
.
لو قلبك فاكر الوشوش يبقي عايش مغشوش
مش هي نفس الصوره دي اتملت بالخدوش
والطله اللي جواها كانت زمان ما احلاها
بس اتغيرت ملامحها وغبار الزمن ملاها
.
لسه فاكر الوعود اللي كانت زي الورود
معطره كل ايامك وخلت ليك وجود
وفجأه وبدون مقدمات اتنسي الوعدوالذكريات
والغريب ليه نصيب وقربك ده شئ وفات
.
استني نفسك وعاليها وفوق السما خاليها
انت بنفسك اجمل ماتدفنهاش وقويها
|