على فين يا دنيا واخداني على فين يا دنيا واخداني
انا اتخدعت ف كل حاجة حلوة
ولسه عايش وبرسم أماني
واخداني لكل طريق مقفول
جامعاني بالناس وفايتاني وحداني
أيامك بتعدي طايرة ما بتهدي
ولسه لوحدي في نفس ركني ومكاني
على عيني يا حزن مش رافضك
بس ابعد عن قلوب حبايبي وأهلي وخلاني
سيبهم يفرحوا سيبلي حاجة تفرحني
دي هي ضحكتهم بتنسيني قد إيه بعاني
على فين يا دنيا واخدة حبايبي
وليه اللي بتاخديه مش بترجعيه ليا تاني
واخداني مني سايباني للحزن أغني
كل الناس شافت ضحكتي محد شاف دمعتي وحرماني
الحاجات اللي تفرحني أوام تاخديها
والحاجات اللي تزعلني تخليها وتزوديها وتكرريها من تاني
ألف وسيلة اتصال ومفيش ود ولا وصال
عذابنا فيكي يا دنيا طال طالت غربتنا عشناها بكل المعاني
سيبي اللي بحبهم يختاروا هما طريقهم
وخديني ان شاء الله فين تاخديني مش هسأل على فين واخداني
شــــــــــــــــــــ . حـــــــــــــــــــــ
|